(( أنا ماني بمجْبور(ن) أسولف لكْ عن اشعاري ))

[مـْرٍوٍق إلبْإل]

السلام عليكم ورحمة الله وبركاته

اسـعـد الله اوقاتكم اعضاء ومشرفين هذا المنتدى الشامخ

اطـرح بين اعيـنـكـم قصيـده اتمنى انها تنآل اعجابكم ورضاكـم

(( أنا ماني بمجْبور(ن) أسولف لكْ عن اشعاري ))


أنا شـاعـر أخطّ الشّعْر حِبـرَه مـنْ نقـا دمّـي // ولا بَهْ غيـر أشْعـاري تواسينـي فـأسفـاري

قصيــدي مـا تعلَّمْتـهْ لقيتَـهْ ذايــب بْفـمّـي // عزفْت احروفي الأوْلى وحسّي نبْـض باوتـاري

نَهَلْت الطيب منْ أهلي وعطفـي مصْـدَرَهْ أمّـي // أبوي الشايب اللـي عِزْوتـي منَّـهْ وإصْـراري

أنا يوم اني حبيتـكْ نقشْت إحروفـك بْـعظمـي // نقّشْته نقش فرعونـي وذاب الحبـر باسـراي

أنا لا قلْت (أحبكْ)..قالت أشعاري لهـا سمّـي // عبيد(ن) منْ قصيدي تفْـرش الدنيـا بأزهـاري

وانا وان قلْت (أكرَه)..نبْض وجداني يجي لمّـي يعاتبني // يقول الحرْف ما هـو بنت لافْكـاري

غريبه أنتي يا(بْنيّهْ) حَسَبْت الـدرب بِـكْ تمّـي // بعَدْ ما كنْت أبوْصلّكْ .. يعيد (الشـك) مشـوراي

تشكّيـن بْهـوى بالـي .. ولا فكـرّتـي بْضـمّـي // وانا اللي ياما ضمّيتكْ..وصنْتكْ جَوْهره بْ داري

نثـرْت (احطامي) بْدرْبـكْ ولا فكرْتـي اتْلمّـي // (بـقـايـا) مـا بقـى منّـهْ .. ولا علّيتـي مقْـداري

تشوفيني على ظنك حكايـا الشاعـر الوهمـي // أبدْ واللهْ.. أنا حرفـيْ صدوق وْدمـي باحْبـاري

ولا ني طايش(ن) بالحيل أقول الشعْر منْ همّـي // (26) العُمُرْ يا بنت .. عقلـي وهْـج أنـواري

ولاني شايف(ن) حالي.. إذا في نظرتي رسمـي // ترى لو بسْ تمعَّنتي عَرَفتـي طيبـة اخْبـاري

فهمْتي شعْريّ السْامي أو انْـك زدْتـي ابذمّـي // ((أنا ماني بمجْبور(ن) أسولف لكْ عن اشعاري))

أبكْتبْ قاف ابكتبْ حرْف من ظلْمي ومنْ غمّـي // يجيني الموت بالآخرْ وشعْري نهْـري الجـاري

على قبْري ألا ليتكْ.. إذا شفتـي القَبـرْ سمّـي // وصلّي واذكري ربّكْ وقولي: مـات مـنْ نـاري