حان موعد رحلتي والموت جاني
وهلت دموعي على خدي ذريفة
سبت اللي في الهوى سهمه رماني
بالعيون السود والنفس العفيفة
مالك قلبي وعقلي مع كياني
واصبحت روحي معه مثل العسيفة
وجهها كنه قمر سبع ثماني
والخشم مثل الصقيلات الرهيفة
لا بغيت اوصفه يعجز لساني
كامل بالزين ماشفنا وصيفه
ماتجي بوسي وبنت المشعلاني
ربع زين الغالية واقصد منيفة
ابعد من الجدى وسهيل اليماني
من حلاها تبصر العين الكفيفة
بلغو من في الهوى حبه كواني
يرحم المحبوب لا ينسى وليفه
احسب الايام واعد الثواني
في رجاء شوفه عسى شوفي حليفه
مانسيته والبالء كانه نساني
واعذب القلب من فرقا وليفه
وسلامتكم
ارجو ان تنال على اعجابكم اخوكم **صادق الود**
العرض الشجري
