عيد وطني ولا مسخرة ؟؟؟سؤال اتمنى الرد عليه....................

[anoosa*]

للأسف في الكويت العيد ماشي غلط بغلط وبدل ما كل الناس تفرح الشباب حولوا العيد لمسخرة


وانا بدي السبب المقنع انه الشباب الكويتيين يكونوا سبب لتسكير=(تقفيل) اكثر من سبع شوارع بسبب الصابون ورشاشات الماء وتوقيف السيارات في الشارع والرقص و مضايقة البنات وكل هاد الشي عمل زحمة مو طبيعية الواحد عشان بدو يوصل بيته اللي بيوصلة ب 10 دقايق من غير مبالغة بيوصله ب ساعتين ونص او اكثر


سبحان الله والبنت ماشية بالشارع ما بتلاقي الا أرقام مكتوبة على السيارات و شباب بحاولوا يفتحوا باب السيارة وإذا البنت ما كانت مسكراه=(مقفلاه) الله اعلم شو بيعملوا فيها



انا صراحة بشعر بالأسف على الكويتيين اللي ضيعوا عيدهم بالكلام الفاضي وعدم احترامهم لنفسهم و لغيرهم
وإذا سألت واحد فيهم ليه بتعمل هيك بيقول بكل برود :وناسة هذا عيدنا
لو هيك العيد الله يستر علينا
انا كتيت وجهة نظري و رأيي و أتمنى انه ما حدا يزعل لأني انا كمان بعتبر الكويت بلدي لأني عايشة فيهاو انولدت فيها

واي حدا عنده رأي مختلف غير رأيي يا ريت تشاركونا فيه
بس انا متاكدة انه كلكم رح تقولوا ليه البنات يطلعوا ؟انا بقولكم اللي بصير على البنات بصير على الشباب في الكويت
يعني الشاب لما يشوف سيارة فيها شاب رح يعمل نفس الشي لو شاف سيارة فيها بنت مع انه اللي انا بعرفه انو في فرق بين الرجل والفتاة و المفروض الشاب يكون عنده مبدا

شكراا
انتظر مشاركتكم