السلام عليكم ورحمه الله وبركاته ...
أسعدالله اوقاتكم
أحببت أن أقدم لكم ايها الاحبه
هذه القصيدة وكلي امل ان تحوز على أعجابكم
وهي من قصائدي القديمة
وكما يلاحظ بها شي من طيش المراهقه والتحدي
ولاكن بصدق لها ذكرى جميلة
فأحببت ان اوردها كماهي
أطير بالفرحه 22/7/1422هـ
لاشفت زولك صابني ذهول = أطير بالفرحه كأني ثمل
أردد تباشير الفرح والقبول = وأعيد لك تراحيبي والقبل
قلبي بنجواة قلبك كفول = وعيني بعينك تبادلها الغزل
لعيونك أصعد سماء القول = ولحضورك أصيغ أحلى جمل
مر أقول ورده ماشمها عذول = يحتار فيها حتى النحل
ومرٍأقول عنود ريمٍ خجول = الكل يأس من صيده وزعل
يانجمة دونك الشمس ماتحول = وش الثرياء وش هو زحل
أبلغ توصيفك ترفضه العقول = وأصغرة مالك شبية ومثل
جميل وصفك بـه شيٍٍ يهول = والواقع بوصفك ماله محل
ناعمٍ عودك مع النسمة ميول = كنه غصن سدرٍ يهتز بمهل
الحلاء مايتعداك لألف حول = والزين ماضنه بغيرك يكتمل
أسرجلك اروع بيوتي خيول = وتفز لك بزين المعاني عدل
حتى بميدانهم تجول وتصول = وتنال البطولة بأسماء حفل
كل بيتٍ قبلها مصيره لذبول = لأني صادقٍ أنطقه بشعرٍ جزل
لعيونك أغرق البحر والسيول = بركان حب ٍ ماعمره حصل
ومنشانك أنبت الجبل والسهول = بزين باهي الجواهر والحلل
و لو تجملن بالقلايد والحجول = كل زينهن عن زينك يقل
هذا حق يقال وتجيك الحلول = بس انتظر و ياصلك لاتعجل
لا يهمك والله هرج العذول = دام أنتي روح روحي والامل
ألك حبٍ يدفي كل الفصول = وبشوفك ناره تزايد وتشتعل
بفتديك أمن العذارى والخبول = مليون عذرى ومليار خبل
ولو سود الليالي دونك تحول = تأكدي عمري بحياته رحل
العرض الشجري
