دعــوة مـفـتـوحـة )))) مـشـاعـر تـبـوح بـهـا حــروف الـخــواطــر ((((

[عطر القمر]

وين هالأماني بتنتظر رعشة لقاك
وين همس الحنان فوق تناهيد العمر
وين صمت الغروب
وضحكة القلب الكسير
وين ذاك الزمان اللي ملك روحي بسماك
وين يحتضن غصن الشجر ظل العبور
وين يا مرسى مواني غيبتي
وبلسم جراحات العنا
وين الأمان اللي نطق عهد الوفا في دمع الحضور
حارت أشواقي
وبدت سواحل دنيتي
تجبر كياني يسامرك
ويتأملك
غيمة سحاب بلا مطر
ترتجي ورد الربيع
من بدايات الوله
وأسترسلك
قصة مشاعر إنطفت
وإحساس أصبح يحتضر
لأجل العيون اللي أبي
ولجل أنفاس الفجر
أبرسم فصولك بالصبر
وأطلب من أمواج الشقا
ترحل عن أطياف الخفوق
أبسألك ألحين عن أحلام المسا
هي ذكرى الفرح
أو دمع أشواق الحزين
أو رحلة النبض الدفين
في مرايا بسمتك