ياليل انا وش حيلتي فيك يأليل=لأقبل سوادك جت همومي سويه
متقارنه همومي وجيتك ياليل=قران النهود البيض في صدر حوريه
ولا قران عيون سود مضاليل=على الوجنات مثل ورده نديه
ورود روض علته مزنة السيل=تنثر سحايب الماءكل عصريه
عليها فؤادي يصهل صهيل الخيل=ويحن حنة خلوج وسط بريه
وينوح نوح الي على الورق تهديل=مأخوذ من العش بيض قمريه
تناظره بالعيون ولا لها حيل=تنوح وبيضها مأخوذ جبريه
والجوف به فؤادي له تماليل=مل من الحدب روحه وجيه
وكستني همومي مكتسى اليل=على الي راح وجروحي نديه
على بوخدود كنها لمعة إسهيل=ولا بروق من ورى مزن ليليه
عل المزنه الي بها بارق السيل=تسقي وطنها كل صبح وعصريه
وتربع جوانبها للفطر الحيل=ويجتمع فيها الوضيحي وريميه
بأمر رب الكون منزل الانجيل=يجمع قلوب دامة الروح حيه
يالله يأمرسل طيور الأبابيل=تزيل هم الروح والقلب تحييه
ياواحد له الملك طوع وتذليل=يأكأسي العظم الرميم ثم تحييه
تغفر زلة لسان سجلت تسجيل=ياواحد كل المخاليق ترجيه
العرض الشجري
