بسم الله الرحمن الرحيم
السلام عليكم ورحمة الله وبركاااااااااااااااااته .
هذه اول مشاركه لي بمنتدى الـــــــــــــــــــود
واتمنا انها تنال اعجابكم جميعاااااااااااااااااا
يا مرحبا اعــــداد ما هــــبت النـــــود *** واعـــداد ما هلت مزون ٍ هميلـه
من هاجـــس ٍ يقدح كما قدح بـــارود *** اليا قـــدح زنـــده يشـــب الفتيلـه
في حب من قرنه على المتن مرجود *** صغــير ٍ في وسط قلبي مشيلــه
مكـفـــــــن(ن) بين الحنايـــا وملحـود *** يـــزود بــــي حبه وزاد بغليلــه
الجيد ابــــــه عقدٍ من الماس منضود *** غريبةٍ مثل الكحــــيلا الاصيلـه
بنت الرجال اللي لهم شان بالجــــود *** يـوم ٍ ولـد اللاش شـح بحصيلـه
قلته وحبلي مع هل الطيب ممــــدود *** الـرزق ماهــو في يدين ٍ بخيلـه
متمكن(ن) بـــي حبها زاد يا سعـود *** اودع بجاشي مثل حام المليلــه
والشعــــر نهــر(ن) وصــــداره اورود *** وكلٍ حسب عرفه يكيل بمكيلـه
ما اقول ابه الخير والشر معقـــــود *** اقول عند اللــــي ينش المخيلــه
إلهنا فرد(ن) صمد خـــير معبود *** مال احدٍ غـــيره عليه فضيلــه
وسلااااامتكم
ولكم تحياتي
سعود العطــاوي
العرض الشجري
