هلا وغلا اخوي عقاب ونعم فيك اسم على مسمى..
مير وانا واخوك تدري هرجك فيه ثقه زايده شويه.
ومهي صعبه على كل واحد منا يقول مليون لغز وهو يملك الثقه
ان ما راح احد يحله .. يا اخي احيان الابيات تكون عاديه.. ما فيها هاك المعنى
الصعب.. بس لكل شاعر بأبياته رأي ثاني
يعني يمكن الشاعر يتكلم عن بيت يوحي لك اول ما تسمعه بمعنى بس المعنى يكون
بوادي ثاني.. ولا هو معناه ان البيت فاشل لا..
بس كل شاعر له مغزى براسه يمكن ما يكون له مدلول او اشاره ولو بكلمه وحده بالبيت
بس انا راح اشوف انك شاعر بالفعل لو كان فعلا في لغزك معنى يستدل فيه يكون واضح من الابيات.. ولكن .. اشوفك من طيب اصل وفصل وبعض التحدي .. فيه من قلة قدر الغير..
وانا اشوف قدرك عالي يا غالي.. ..
سلام الله على طيب الوجيه اهل الكرم والجود
صناديد الرجال اللي صداها بالعمر باقـــــــــي
تعشق سهود من رفعه تعوّد في رحاها مهود
إلى من حدّر الحادر ترقـّا شيمة الــــــــــراقي
تبيض من الوجيه البيض ولا يبيَض وجه السود
وإلا من مالت البذره ترى الشرهه على الساقي
رويت ارياق لكني عجزت اروي سلق وقرود
وانا ما همني وضحى تبي تمرق من انياقــــي
هلا بعقاب لو ضاقت صدور من السعه بجحود
وهلا من يام من جانا على وضح النقا واقــي
مدام إن الزمن يحبل ثرى خو وثرى من فود
يدور من الزمن مادار ويغنم واحدٍ لاقــــــــي
ولابه في مواجها غضب جن وسخط الهيود
تزوم وترتفع حشمه مدام ان الفعل بـــــاقي
فمان الواحد...
العرض الشجري
