ياصاحبي وين الليالي غدن بك = مشتاق لك بالحيل والعالم الله
مدري دلع والاغرور ن سكن بك = عجل على المشتاق يازين قله
ياما بقلبي لك علوم ن بدن بك = والدمع عيني لاذكرتك تهله
منك الجفا والا الظروف غدرن بك = كم فرق ن مابين خل ن وخله
لاهو بذنبي لا ولاهو بذنبك = واللي يبيه الوقت فينا وصله
كيف الدروب اللي تجي وقفن بك = أخاف لادرب ن يجيني تمله
عقب الوصل يومني أجلس بجنبك = وأسأل سؤال كنت تعجز تحله
كم مرة كل المشاعر درنبك = وكم مرة قلبي تجي تستحله
غلاك في قلبي بعد مابعدنبك = وغلاك في قلبي طريقن تدله
مدام أحاسيسي معك وبتلن بك = مكانك بقلبي ترى في محله
وياصاحبي وين الليالي غدن بك =مشتاق لك بالحيل والعالم الله
العرض الشجري
