السلام عليكم و رحمة الله و بركاته
كيفكم يا حبايبي و شاخباركم انشاء الله طيبين
أنا اليوم حابه اقول لكم شي صار معي و مدري وش اسوي فيه و متضايقة منه
أنا بصراحة في عندي وحدة من صاحباتي و هي صاحبتي من زمان و معاي بنفس القسم
و دايم مع بعض و ندرس مع بعض و كل وحدة تشكي للثانية و كنا أكثر من خوات
المهم ظلت علاقتنا على هالحال يمكن سنتين
و بعدها اكتشفت فيها شي ما كنت ألاحظه
اكتشفت انها تغار مني و تحسدني
أنا قبل لا أعرف هالشي كنت أقول انه صدفة اللي يصير
كنت بمجرد ما اقول لها اني رايحه هالمكان و الله اني يا اتهاوش مع اخوي
أو نطلع و أحد فينا يمرض و نرجع
و في مرة قلت لها ان احنا رايحين البحرين و قعدت تحن على راسي اسبوع كامل
يا حظك و يا حظك و ناس بتروح البحرين و ناس بتنطق بالبيت
و كلمة ماشاء الله ما تعرفها و مو موجودة بقاموسها
المهم ظلت تحن على راسي و يا بختك بتروحين السينما و بتروحين و بتنبسطين
المهم الله كتب و رحنا وتونا بس وصلنا و تغذينا و طلعنا من المطعم الا تخترب السيارة و يطلع منها دخان و لا رحنا لا سينما و لا شي ووقفنا بالشارع ننتظر المساعده
يعني ما اقول لها بشي الا و تنقلب الدنيا فوق تحت
و ساعات لما تتكلم معي بشي و ان ابوها سوى لها شي تقول لي ابوك انتي ما يسوي لك كذا ليش انا ابوي يسوي معاي كذا
و اذا قلت لها قولي ما شاء الله قالت لي وش شايفتني حسوده
شفتوا بعد هالبلوه
و انا ما اقدر اصارحها بهالشي صعب اني اقول لها ان هالشي مضايقني
و اللي مضايقني أكثر اني اعتبرتها مثل أختي و أفرح لها لو صار لها اي شي حلو
بس هي للأسف طلعت تحسدني على أقل شي حتى لو طالعة بيت خالتي
المشكلة اني احسها خدومة بس غيورة
و الله محتارة و متضايقة قولوا لي بالله عليكم وش اسوي؟؟؟
أختكم
حلوه و دلوعه
العرض الشجري
