الحب ياسيد المزايين بعناه =واللي يبيع الحب ماهو بشاريه
نعم أبيعه يالغضي واتناساه = يكفيه ماسوابي العام يكفيه
رماني بسهومه وما طاب مرماه= لليوم هذا واضحات ٍ مواريه
واللي سمع صوتي وما جاوب صداه= لو انكر اشواقي ولكني أغليه
كانه تمنى الوصل فانا أتمناه= وكانه نوى بالصد ماني مناديه
ياما انشغل قلبي وتولع بذكراه=وياما سهرت عيني على شان طاريه
وياما تعبت رجلي والأقدام تنصاه=وياما سألت الناس عن كل مافيه
أمشي على دربه واراقب اخطاه=ولولاه ذاك الدرب لايمكن امشيه
ماطاعني قلبي وانا دايم أنهاه=واليوم ذوقني الندم من تغليه
(جريح القوافي)
العرض الشجري
