طعم الفراق المر توٌي عرفته
ِمن هاجر السكٌر منابت وريدي
الحزن ذنبٍ فارقك و اقترفته
و ما تنفع التوبه نوايا قصيدي
إن كان تقرا دمعي اللي ذرفته
اغرف عيونِ حبرها في جديدي
قيثارة الأحلام يا ما عزفــتـــه
على وسادة ذكرياتك نهيدي
وشلون يثمر فرحي اللي قطفته
من وجهي اللي ناثره صبح عيدي
أبعترف عيني بـ إيدي طرفته
و من يومها كرهي تنامى لـ إيدي
نذرِ إذا عدى جبينك و شفته
بـ اقبٌله لإنٌك من الناس سيدي
حقي عليك إن كان جرحي نزفته
تكتب على صدر المواني بريدي
يتيم صدري يحتضر ما لهفته
وشلون تقتل في غيابك وحيدي
تدري عقب ما غبت شـ اللي اكتشفته
إن أوكسجين الكون يخنق وريدي
--------------------------------------------------------------------------------
م
ن
ق
و
ل
العرض الشجري
