ليش الشاب ما يفكر يتزوج اللي ياكمها في التلفون.....خلونا واقعيين
عندي موضوع انا حابه اطرحه عليكم ... خاصه انتوو يالشباااب ويالبنااات
المهم ... الموضوع هوو عن الحب ... الحب عندنا في الخليج... الواحد يوم يحب له وحده ويتموون ويا بعض لفتره طويله انا اتكلم عن الحب اللي في الخليج وخاصه عندنا في البلاد ...
يووم ولد وبنت يتعرفون على بعض ويحب كل واحد الثاني ويتعلقون ابعض وكل يوووووم يكبر حبهم. واكيد مثل اي حب فيه المر وفيه الحلوو بس يتخطونه سوااا.. والبنت بكل رحااابت صدر وبكل الحالااات تعيش وياااااه حياته مهما كااان وبتضحي وبتدوس على كرامتها...والبنت مثل مااا نعرف سمعه.. بتطلع مع الي تحبه بس عشان ماااا يطالع مع غيرها لانها تحبه وماااتبي تخسره او يضيع من ايدها والله.. وانتوو يا الشباب تعرفون شوو الي يستوي.. مثل ماااا يقال: ماجتمع رجل وامراه الا والشيطان ثاالثهما..!! والله يستر من هالطلعه.... لاوبعد طلعه ثانيه وثالثه ...اوو على قد المده الي هم فيها مع بعض. ودووم الكلام بين العشاق: انتي لي وانا لج... وانا احبج.... واناااا ماااااااقدر استغنى عنج..... وانا مااااصبر عنج.... والدنياااا بلاج ماااااتسوى شي.....واناوانا...والكلااااااااااام الحلوو وايد... مااااينعد والوعــــود والعهــــود على قفى من يشيل!!اا
انـــــزين..... وفي يوم من الايام: يااافلانه الاهل ايدورولي حرمه... فلانه الوالده باجر سايره تخطب لي.... ولا غــــــير يوم تي الصاعقه... ويقول فلانه باجـــر بمــلج!!
بصراحه كأنه حد صاااااااب عليها مااااي بارد..ياريت بس بارد لا و مثلج!
البنت في اللحظه الي قال فيها هالرمسه ..ايي في بالها من اول ماااتعرفو على بعض وكل الي مروو عليه من حلوو ومر لين ماقالها هالرمسه... لااااااه ومنووو هذا الي ايحبها ولايقدر يستغنى عنها ويعبد التراب الي تمشي عليه... وهو لها وهي له...؟!!! اي حب اي بطيخ ... وبعد لااااه مابيقولها فيس تو فيس الا في التيلفون!
انتوو تتحرون الحب بس في التيلفون..مكالمات وطلعات ومااااخفيا اعظم!!
ولا يوم البنت تستجمع قوتها وتسأله ليش بتخطب ...وانا شو فيه انا مب مااااليه عينك ولا شووووه...؟!!
ايي الـرد بارد ولا كأنه بينهم عشــره.. ايبين لها باسلوبه او بطريقته في الكلام: انتي مب مااال عرس وبيت وثقه... انتي مال حب تيلفونات وطلعات...!
ولا الي يحبون بعض وهووو في الشرق وهي في الغرب (اقصد من دول الخليج التعاوني) هاي سالفه ثانيه عاااااااااااااااد... اونه شــوه..
هيه!! انتي وين وانا وين.... ولا انتي مـــنو وانا منوه.... ولااااااااا أهلي وأهلـــج.....ليش؟!!
انته يوم حبيتها وتعنيت إ تي من بلادك لبلادها بين فتره وفــتره وخــسارة فواتير ...والمده الي بينهم الله يعلم كم... اتهون عليك العشره والسنين والتضحيات..؟
صـــدق الدنيا ماااافيها خير... قال شو قال أنتي وين وانا وين!!
انــــزين الحين يينــــا في الكـــلام الجد...
تعالووو بسألكم يا شباب ...كيف انتووو ترضون على بنات الناس وما ترضون على خواتكم ؟؟!
ترا هااي الي طلعت وياكم بنت ناس وعندها اخوان واهل محترمين شراتكم.. ولا عسب انها طلعت وياك وحبتك وداست على كرامتها كبنت.. استوت في عينك (......) اللهم عافينا!
شفت هاي البنت الي حبتك وحطتك تاج على راسها وباعت اهلها وتحدت الدنيا كلها عشانك.... ترى اختك شراتها!... لا تقول والله انا اعرف خواتي عدل ... ليش شريفات مكه؟!
شوف الواحد مااايعاشي عن حد ..ايعاشي عن نفسه.
ليش الواحد لما يحب والبنت تتعلق فيه وتحبه ويحبها.. وكل مايووها الخطاب تردهم تعرفون ليش؟... عشانها تحبه صدق ومستعده اتضحي عشانه اوو شي مستوي بينهم...وفهموو انتوو عااد!
المصيبه العوووووده اذا البنت حملت.... شرد ولا كأنه سوى شي....ولا عاد اونه بيسوي خير بيسير وبيشتري هذيج الحبه الي بالغلا واليلامن الصيدليه بس عشان تجهض ولا وداها عياده من العيادات الي باخر البلاد البلاد!!.. واخر شي ماااااابياخذها ماااااابياخذها.. ولا لااااااااااااااااااااا عااااد اذا كانت من هالبنات الي ورااهم ظهر من كبار الشخصيات في البلاد...!! من الزياااغ والخوف غصبا عنه بياخذها وريله على رقبته...
ولا المصيبه العوده والداهيه اذا عنده ربيعته اجنبيه وهي بدون مانتكلم عن اخلاقها قبله ماااااشالله درزن(.......) بس اونها وياااه حملت... شوو بيسوي بكل شهامه بياااخذها وهوو بيوديها عند اهله وهوو يضحك...
لا وبيحطها تااااج على راسه!!
والله مابيشاور اهله ولا بيطرش اهله... ولا بيقول انتي منوووووه وانا مــنوه ..لا انتي وين وانا وين.. ولا انتي مثل ماااصاحبتيني بتصاحبين غيري..عجب!!
اما بنت القبايل بيفـرها فرت الحــابول بـــشتا!!
الحين تعالووو بتخبركم عن هاي الي بياخذها ..الي اهله باغينها له ..اونها شريفة مكه؟!! ليش الواحد منكم يالشباب مايبقي ياخذ الي كلمها؟!! شوو ناقصنها ولا عشان انها كلمته!! وهاي الي بيخطبونها لك اونها ما كلمت ولا طلعت..
شوو دراك انها مااااتطلع ..الاكس قيرفريند لخوووك وبني عمك ولا وااااحد من الشباب في الميلس؟!! مصيبه وعااار صح؟ والي تعرفه احسن من الي مااااتعرفه.
يااا شباب انا مب قصدي الاســاءه لاحد.. لكن داااااااايما الحقيقه تجـــرح..
في الدنيا واااايدين عشاق وبعدهم عشاق لكن في فرق! انهم اجتمعوا تحت سقف واحد وعلى سنة الله ورسوله... والي جمع بينهم اكثر من الحب وعايشين مع بعض باحسن مااايكون... ليش؟
لاانهم عارفين بعض..والاهم ان الشاب نفسه وفـــا بوعده وســـتر على حبيبته ووثق فيها وحطحها داخل عيونه وتسوى الكون عنده.
وفي نماااذج ثانيه عن الي خذوو بعض عن حب وعايشين مع بعض على الحلوه والمره..لكن بوجود الشك.. وهااا مب يعني ان الشاب مايوثق بمرته..لا هذا دليل على الحب والغيره... والي مااايغار على عرضه يسمونه (.......) عفااني الله!
والي تزوجووو عن حب وهم مب من البلاد من دول مجاوره ان كااانو من السعوديه ولا قطر ولا الكويت ....الخ
اقووول المسافه ماااتوقف بين العشاق... الحمدلله في اختراع اسمه طياره و سياره وتيلفون.....
البنت ولا الشاب يقدرون ايزورون اهلهم ولايتصلولهم اويـــه نسيت الانترنت اليوم اختصر كل شي واوفر!!...
ولا اهلها ولا اهله ولا هوو منوو وهي منووو ترااا الله قـــال اسعى يااا عبدي وانا اسعى معاااك من توكل على رب العرش نااال مبتغاااه... والريااااااال مااااايقلبه شي!!
وبعدين يعني!!.. ياااشباب شو اخر هاللعبه؟! ترا وااااايدين عرسووو وهم حاطين حبايبهم ع الرف.. لكن بعد شهر العسل ..اي شهر عسل بعد الكوشه ولااااا وهو ع الكوشه يرمس حبيبته ولا يدورهااا بين البنات في القاعه!!
ليش هالعثره كلها!!... يوم انت مب رايم تصبر عن حبيبتك خذها ولا تخليها معلقه...(اظن تعرفون شوو يعني معلقه)...
حرام عليك انت تستانس وهي في بيت اهلها تحلم, وانت حققت احلامك في تأسيس عالمك الخاص ومملكتك الصغيره. بس بعد في وااايدين مب مرتاحين مع حريمهم ويردووووون ندمانين متحسفين على الوقت الي ضيعووه وهم مب ويااا حبايبهم... لــكن شوو نقول ان فات الفوت مااااينفع الصوت!!
في الختام.. .....مابغي حد يزعل لان هذا هو الواقع
ياترى على منو اللوم البنت ولا الشاب؟؟!
((منقووووووول))
العرض الشجري
