أنت ليه مش بتمسك إيدي وإحنا ماشيين في الشارع؟ لأ بلاش...افرضي حد من قرايبك شافنا؟ وإلا حد من أصحاب أخوكي في الكلية؟ إن شاء الله يا حبيبتي بكره نتخطب وامسك إيديكي أدام الدنيا كلها أنت ليه مش بتمسك إيدي وإحنا ماشيين في الشارع؟ علشان مش عاوز حد يفتكر إننا علشان اتخطبنا هنصيع بقى ونعيش حياتنا وبعدين بصراحة كده أنا مستحرم إن شاء الله بكره نتجوز وامسك إيدك وإنتي مراتي حبيبتي في الحلال أنت ليه مش بتمسك إيدي وإحنا ماشيين في الشارع؟ يا حبيبتي إحنا مش مراهقين بقى هنمسك إيد بعض في الشارع وكده إحنا اتنين متجوزين ومحترمين وعندنا بيت نعمل فيه اللي عاوزين نعمله أنت ليه مش بتمسك إيدي وإحنا ماشيين في الشارع؟ يعني امسك إيدك وإلا امسك إيد البنت وإلا أشيل الأكياس دي كلها؟ أنت ليه مش بتمسك إيدي وإحنا ماشيين في الشارع؟ إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا وخرفنا؟ (( ,,, الباشا تلميذ ,,, ))
العرض الشجري
