السعودية بين الامس والماضي

[ღوليـ الروح ـفღ]

كان ياما كان في قديم الزمان بنت اسمها سندريلا وكانت مضيعه الزبيريه حقتها

وجلسوا يدورون حول المسجد بدون فايدة وتوفت البنت متاثرة باصابات بالغة

وش رايكم بالمقدمه؟؟؟ اكيد اعجبتكم خلاص طفوا الزقاير وروحوا ناموا

لا عاد لا ثمود لا تصدقون ترى الموضوع ما بعد هذرت فيه بس كان ودي اتعرف > فاضي

السعوديه بين الامس والماضي


جلست ذاك اليوم انا وجدي بحوشنا جلسة مخدرات وبنات وهيروين وقات وشوي وحنا بنص الجلسه الا جدي يقول لي يا ياوليف انت لازم تعرف ماضي اولادك لاجل تبني...

مستقبل اجدادك<====== بدا الهيروين ياخذ مفعوله

قلت يا جدي انت وخوياك ماضيكم اسود ولا ودي اعرفه وكنتم ادشر الخلق بضيعتكم

بس حسيت اني جرحت جدي بالكلام يوم رمى يد البلايستشن وقال بطلت العب

وقمت اراضيه وابوسه على قرعته واستسمحه وما بغى يرضى هالورع

قلت يا جدي قولي عن ماضيكم وانا تراني بسكت حتى لو تخرط علي كالعاده

قال اسمع ياوليف ولا يهونون باقي الاعضاء البنات <=== جدي وده يحتك ببنات المنتدى

كنا يا وليف قبل 400 سنه نسكن غربي الرياض بمنطقة كانت مهجورة بدون ماء ولا كهرب ولا نت ولا حتى اسواق نغازل فيها ومن تطلع الشمس تلاقينا ركبنا سيارتنا
ورحنا لمزارعنا نحصد ونعلف ونحلب ونبيع ذره على كورنيش الخبر وبعدها كل واحد يروح لبيته ياخذه له دش بارد يعني مو سبايسي ومن بعد العصر نطلع للحراج ندور يمكن الواحد يلاقي بقرة ماشية 60 الف او بعير

واذا جاء المغرب

صلينا الظهر واجتمعنا باستراحة واحد من الشباب لاجل نطالع ستار اكاديمي ومن يقضى البرنامج نسافر للبنان ونصوت هناك باوراق

ونرجع اليوم الثاني وبالليل عاد يجتمع فينا شيخ القبيله وشيوخ القبايل الثانيه ونبدا نلعب اونو

وكل شيخ يطلع من اللعبه يقول قصيده مرثيه ونقوم ندبغه ونركبه على فرسه وندفه من فوق سطح البيت
وبعد كذا يبدا كل شيخ يعطينا استعدادات فريقه قبل كاس العالم وفق الخطط المدروسه

وكانت عادات الزواج قبل غير.. يعني الرجل يروح يخطب البنت من بيت جارهم...ويقوم هذا الجار ويكلم ابو البنت ويقنعه انه لا يوافق واذا ما وافق ابو البنت يرجع الجار له ويقول للمعرس شوفلك بيت ثاني اخطب منه يا قليل الادب

وبالنسبة للمدارس والجامعات ايام اول فكانت اسهل بكثير من اليوم يعني اذا الواحد جاب نسبه بالجامعه ووده يكمل ثانويه فما عليه الا انه ياخذ ورقة من ادارة المرور ويسدد المخالفات اللي عليه ثمن يدرس على حسابه مجانا وبرسوم عاليه ومكلفه

والشغالات ايام اول امورهن واستقدامهن ايسر وايمن من الحين وكانت مكاتب الاستقدام تجي للبيت ومعهم الكاتلوج ويخلونك تختار الدولة والجنسيه والمهنة والوظيفه والشكل والطول والرقة والنعومه والجمال والحلاوة ... اخ بس لو انك شفتها <==تخبيص

ومن تختار الشغالة يقوم المكتب ويعطيك موقع بيت الشغالة بدولتهم وانت تروح بنفسك
وتجيبها بس تكتشف ان اخوان الشغالة شافوك ماشي مع اختهم ثمن ينحرونك ويطلعون

نباء اغتيالك على قناة الربع الخالي الاخباريه

وهنا نقزت وطلبت من جدي يروح ينام قبل لا اجرم فيه

اخوكم
وليف الروح