السلام عليكم حبايبي
مرتن من المرارير كنت متكي عند واحد من اصدقاي
المهم تكيت عنده الين الساعه ٩ الليل
جيت بمشي, الا ناقزلي
علي الطلاق ماتمشي لين تتعشى
علي الحرام بتزعل اذا مشيت
وانا جالس اقوله يابو الشباب مابي عشاك
ومره اقوله توني متعشي , مع أني متكي عنده من العصر
المهم أنا كنت أبي الفكه من عشاه
لأني أعرف ان حده جبن وبيض
واذا استلج صلح شكشوكه
المهم طمر الاخ.... وشوي الا وهو جايب العشا
وطبعا بيض وجبن
أنا من قرادتي ذيك الليله دبيت في الجبن
وسفيت سفت موب صاحي
يوم خلصت وأمسك علبة الجبن الا ويطلع منتهية صلاحيته من شهرين
ويقوم وجهي يعطي الوان
وأحس بانواع الجراثيم اللي مبشكه في بطني
اللي يلعب بلاي ستيشن
واللي أمه مرسلته يجيب خبز
أنا نطيت في خويي وقلتله
ياخي أنت تبي تموتني
قال أموت مين ياحمزه << طبعا حمزه مو اسمي
أذا كنت أنا بنفسي جالس أسف معاك من الصبح
قلت طيب أنقز البقاله هات أثنين لبن, علشان يفسد مفعول الجبن المنتهي
وطبعا هالحكمه أنا ماخذها من واحد ماعنده سالفه
بس قلت يمكن تنفع
المهم نقز الاخ وجاب اثنين لبن
وبعد ماشربناها
الا ويطلع اللبن منتهية صلاحيته
العرض الشجري
