يا عاذلين القـلب حبي ترى غـير = قلبي هواه وصرت أنا فيه مجنون
والله ما بـيـني وبـيـنه مشاويـر = ولا عرفـتـه عن طريق التـلـيفـون
وصوته ما اعرفه كان تبغون تبريـر = والله ما شفته ولا ادري وش يكون
أنا عشـقـتـه دون وعيٍ وتفكير = ولو تسألوني قـلت مدري ووشلون
أكن له في داخل القلب تـقـديـر = وحبه تمكن بالحشا وفيه مـفـتون
طيفه معي لو غبت للقـلب تـذكيـر = و ما انساه دام القـلب بيديه مرهون
يا اللي تعذل القلب وش ممكن يصير = درب الخطأ والله ما اجـيه تكـفون
خلوني ارسم لي خيال وتصاوير = واعيش في دنياي عاشق ومـجـنون
الله يصبرني ويـكـتب لي الخـير = ويـلتـم شملي بك يا امير ذا الكون
العرض الشجري
