أتـخـيـل يـوم أنا عـنـد البحـر = مع حبيبي جـالسة وقـت الـغـروب
لا عواذل لا حسود من البشر = ولا هـموم ولا بـهاذيـل وذنـوب
عـقب ذاك البعـد جمعنا القـدر = وأشرقت شمس الأ مل بعد الغيـوب
كان موعدنا على خـط الصفر = قبل ماتـقـطـع مـواصيل الدروب
يوم لـقـيانا وقـلبي فـي خـطـر = يلـفـظ أنـفاسه وشكـله في شحوب
مـد مـحـبوبي يـديـنه للصدر = وجس نبض القـلب وأبكاه النحوب
قال أنا آسف ولا قصدي هجر = لا تعذبني ترى ماني لعوب
شوف قلبي مثل قلبك يحتضر = ما قويت الصبر وجروحي عطوب
أنسي اللي فات وأبني للعمر = فرحـة تـجـمع مغـالـيل الـقـلـوب
قلـت له يا زيـن يا مر الصبر = عيشتي لولاك أحزان وكروب
قـال يكـفي يا حياتي ما بـدر = مـن بعضنا ياغـنـاتي ما نـتـوب
ودنا نـمشي على شـط البحـر = وينشرح صدري لنسمات الهبوب
وترقص أمواج البحر مد وجزر = وفي سماها نعيش أنا وأنتي طروب
العرض الشجري
