اذا قصدك تعذبّني فديتـك ريّـح اعصابـك
تراك فناظري اصغر من انك تحرق اعصابي
انا اللي فالعلى شامخ ولارضى الهون باسبابك
وانا اللي اثني اعزومك وابيعك دون لا هابي
وش المعنى تجافيني وترجع شايـل اعتابـك
انا ماني على كيفك متـى تبغـي اتّسلابـي
محـال يهدّنـي دمـعٍ تنثّـر بيـن اهدابـك
على جلد الافاعي بنت تخفـي سـم الانيابـي
رفعتك مالدنى الواطي وشلتك عاليّ اهضابك
ويوم اعليت لك شانك تجي الحيـن ترمابـي
حشا والله ما تسوى فعينـى حفنـه مترابـك
ولانزل يوم مالعالي لمـن قـدره علترابـي
وقليل الشان لو يكبر يتوه فـدرب متشابـك
ومهما فالعلـى يرقـى باصلـه دوم ينعابـي
اذا قصدك تعذبّني فديتـك ريّـح اعصابـك
تراك فناظري اصغر من انك تحرق اعصابي
العرض الشجري
