ألتقينا عند أحبك وأنتهينا عند باي !!!!!!!!!!!!!!!!!!!!!!!!!!!!!

[كتكووت]

	أخترت لكم هالقصيده واتمنى ان تنال على اعجابكم نعنبو قصة غرام كل ابوها كلمتين ابتدينا عند أحبك وأنتهينا عند باي تونا ما بعد مشينا فالهوى لو خطوتين وأنتهى الموضوع كله حتى ما عرف وش خطاي أنتهى الموضوع كذا بكل سهوله تحكمين وين أحبك ! وين أبيك ! وين ساكن في حشاي يمكن انك ما وفيتي يوم جيتي تعشقين ويمكن انك تحسبيني بتبعك من دون راي ويمكن اصلا ما عشقتي بس كنتي تلعبين ويمكن انك ما وصلتي في هواك لمستواي ويمكن أني ما عرفتك فالحقيقه وش تبين ويمكن اني خنت نفسي يوم اعطيتك وفاي علميني فالهوى يا جاهله وش تعرفين تعرفين أنك غديتي شي يجري في دماي ! علميني فالعطاء والتضحيه وش تفهمين نعنبو حيك عشانك سبت أقرب أقرباي كنت أحطك في عيوني تسرحين وتمرحين كنت أشيل هموم قلبك وأرمي همومي وراي كنت أطير من السعاده يوم اشوفك تضحكين كنت ذايب في هواك مثل سكر وسط ماي كنت نايم فالعسل وارسم من الفرحه سنين كنت أظنك قلب عاشق ما سكن وسطه سواي ورده أي والله ورده بس عرفتي تجرحين كل شي فيني جريح الا فخامة كبرياي ما تأثرت بغيابك وش يعني دمعتين بكره انسى صدقيني وارجع بكامل قواي ادري احنا افترقنا بس ابفهم حاجتين علميني وش كسبتي وعلميني وش خطاي اصلا الموضوع كله ما تعدى كلمتين التقينا عند أحبك وأفترقنا عند باي !