قصائد لم تكتمل !!!

[عزتي راس مالي]

السلام عليكم ورحمة الله وبركاته ...

اخواني واخواتي شعراء واعضاء منتدانا الغالي ...

اطرح لكم من نبض احساسي قصائد لم تكتمل ... او بمعنى آخر ... ابيات لم تكتمل لتصبح قصائد....

... وكم اتمنى ان تنال لو القليل من استحسانكم ....
,
,
,
,

(( 1 ))

وحشتيني بعد عمري تضيع الروح من دونك=وحشتيني بعد روحي وحشتي كلِّ شي فيني
,=,
وحشتي واحدٍ صادق يموت بنعسة جفونك=انا بعدك ترا ضايع تموت بدونك سنيني
,=,
وحشتي خافقٍ يرجي لقاك ونظرة عيونك=فقدتك حيل ياعمري عساك انتي فقدتيني
,=,
وحشتي الكون ذا كله لأنه بالأصل كونك=انا ماقوى على بعدك أمانه لا تخليني

,
,
,

(( 2 ))

ملعون جد الحب وملعون ساسه=وملعون قلبٍ خاضعٍ له ومنهان
,=,
القلب حْر وعزّه بقْوّ باسه= يكفخ على كيفه ومن غير جنحان

,
,
,
,
,
(( 3 ))

جتني تهدِّدني بقطع المواصيل=وباسلوبها ظنّت ابركع واجيها
,=,
وبزعمها بالبعد تسقيني الويل=واسهر طوال الليل واصرخ ابيها
,=,
هي غرّها قلبٍ شقا لاجلها حيل=دمع ووله وجروح ولابان فيها
,=,
اصبح هواها يجرفه كنه السيل=واصبح غلانا لعبةٍ في يديها
,=,
مير اسألوها كانها تاصل سهيل؟=هذاك ذلّـي ما يجيبه حكيْها
,=,
واللي خلق هالصبح وأتلاه بالليل=قبل ادعسه قلبي ابدعس عليها

,
,
,

واعتذر عن الاطاله ....

تقبلوا اجمل وارق تحاياي ...