هاذي قصيدة أعجبتني و قلت حرام انها تفقد شوفة عيونكم
تبين البعد أبد حاظر قسم بالله ماردك
ولكن لا تجيني يوم بقولة تكفى أنا حنيت
أشوف إنك توهقتي بشي حيل مو قدك
وما ظن تنفعك بكره حسافه وليتني ياليت
على بالك ابترجى وكل الخوف من صدك
ترى قبلك كثير اللي ترجوني وأنا ما أرخيت
إذا عشقك يوطيني لابوجده ولابو جدك
وإذا مليتي من قربي فأنا منك بعد مليت
أخاف إنها خيالات وشياطين تبي تحدك
وأخاف إني أوري لك شياطيني لو انحديت
وأنا والله ماودي ولكن كنه بودك
تشوفي ردت أفعالي ليا صديتي أو صديت
أبرسل لك سحر طيفي يجرك من ورا سدك
يجيبك لآخر دروبي وأنا ماقمت أو حسيت
يخيل لك صدى صوتي وهمس الشوق بيهدك
تناديني تناديني تناديني ولا رديت
تحسين بدفا صدري كأنه مصدر يمدك
بدفا هالكون رغم اني بعيد وتوني ماجيت
أبنزل مع دموع الهم وأوقع في طرف خدك
لأجل ماأنحت الفرقا وأوثقها هنا مريت
لأني ساكن بدمك وقلبك واقف ضدك
دمارك بعدي لو لحظه فما بالك إذا أقفيت
مدام إنك سمعتي اللي أقوله وابتدى يشدك
خذي مني هدية لك حلالك واحفظي هالبيت
تبين البعد أبد حاظر قسم بالله ماردك
ولكن لا تقولي يوم غلطه وأنا زليت
أتنمى انها تعجبكم وأكون أحسنت الأختيار
العرض الشجري
