بديت بذكررب العرش حامـي بيتـه المعمـور=إلـه بيـده الأقــدار غايبـهـا وحاضـرهـا
وصلاة الله على من جابديـن ينشـره مامـور=عددمايرفـع الآذان فـي عـالـي منايـرهـا
تهيض ياضميري خابرإنـك ماعليـك قصـور=تهيض وأسبك الأبيات من تصريـف شاعرهـا
ولكن ياضميري شلت همـي والزمـان يـدور=وجربـت الحلـو والمـر بأولهـا وآخـرهـا
وقاسيت الزمن والعبد يلقـى قـدره المقـدور=مقاسيـم مـن الرحمـن مـن عنـده مدبّرهـا
وعاشرت البشرواحد شهاب ثاقـب لـه نـور=وواحـد لـن ورد جابـه بنفسـه مايصدّرهـا
وواحد كنّه المبلي علـى فعـل الخطامجبـور=يسـوق الهـرج ماهمـه بكلمـه مايذمّـرهـا
وواحد كنه اللقمـه ليانشبـت بوسـط الـزور=ثقيل الـدم والمنطـق ونفسـه حيـل دامرها
وواحـد لانخيتـه كنـه البـارود قـام يثـور=وواحد مثـل بـرد الثلـج خطواتـه يقصرهـا
وواحدلاحضرمحضارخيرتلتـقـي لــه دور=وواحـد لاكسـب ربعـه بأفعالـه يخسـرهـا
وواحدفي كلامه كذب واللي فـي كلامـه زور=وماتعمى عيون النـاس بـل تعمـى بصايرهـا
وواحدمن كثرهرجه تعب حلقه مـع الحنجـور=مثـل ريـح بـأرض قفرقدطـارت غبايرهـا
وواحدلن حضرأوغـاب لاشرعـه ولادستـور=وواحـد همّـه الأسـرار للعـالـم يخبّـرهـا
وواحدبالنميمـه شدحيلـه وأشعـل الـدافـور=حسيبه رب سـاق الغيـث للقيعـان يمطرهـا
وواحدسـئ النيّـه وقلـبـه بالنكدمحـشـور=إلا ماجاتـه الجابـه علـى كيفـه يفسـرهـا
وواحديضحـك بسنّـه وصـدره حاقدمقهـور=إذاشبـت لهـيـب الناربأسلـوبـه يشـررهـا
وواحدباللقـافـه والتطـفـل صايـردكـتـور=معرّض قربتـه للسيـل كـل السيـل يغمرهـا
وواحدهمّـه الفتـنـه كـأنـه يابشرمسـعـور=كـأن النـاس لـه أعـداء بالفتنـه يبشـرهـا
وواحدفي الرديه والسفالـه خاطـره مسـرور=ونفسـه فـي غبـار الشيـن بأفعالـه يغبّرهـا
وواحدلاعمـل خيرولومثـل الجبـل مـزبـور=يعـوّد يخـرب البنـيـه بأيديـنـه يكسّـرهـا
وواحدكنه الشيطان وجهـه عابـس مصـرور=ونفسـه شينـة قشـرا وطبـعـه مايغيّـرهـا
وواحدكنـه الثعلـب يخفّـي مكـره الممكـور=ويشـعـل نارهامابـيـن أصاغرهاوأكابـرهـا
وواحدمثل قـاع قفرقـاع صفصـف مدهـور=بنى فيـه البخـل بيـت شياطينـه مخاشرهـا
وواحددايمـا أعـوج كأنـه بالعـوج بـاكـور=ولـن عدّلـت فيـه علـوم لابـدّه يكـررهـا
وواحدبالجميله شـح مـع ناصرومـع منصـور=سلف يلقـاه لـودارت علـى العالـم دوايرهـا
وواحدفي الزمن صيّاح كنه في الزمن معسـور=ولوجاتـه نعـم ربـي بشـكـره مايقـدّرهـا
وواحديرفض المعـروف ماهوبالوفـا مذكـور=تجي له فرصة المعـروف ساعاتـه يأخرهـا
وواحدبيـت للـزلات لاطيّـب ولامشـكـور=ولاهـو كافـي شـره ولادربــه ينـوّرهـا
وواحدكنّه الكامل من أفعـال الخطـا ماجـور=وكل الحـق والتهمـه علـى غيـره يجيّرهـا
وواحدباللسان أحسن من أصناف العسل معصور=وإذاماشفـت أفعالـه تبيّـن لـك سرايـرهـا
وواحدبالحسد غنّى وأصبـح بالحسـد مشهـور=وهويحسـد ورب العـرش أرزاقـه مقررهـا
وواحدنفسـه القشرامضرّيهابعكـس الـشـور=إذاماصـدّر العـربـان بالجـابـه يحـدّرهـا
وواحدلاسمـع هرجـه يزوّدهافلـل وقصـور=ولايرتـاح ليـن اللـي صغايرهـا يكبّـرهـا
تجارب عشتهاوالكل له خبـره ولـه منظـور=ولـه وجهـة نظرلاشـك بأسعـاره يسعّرهـا
وصلواعد مافي الأرض من نبت الشجروزهور=ومايخطب به الخطّـاب فـي مجمـل منابرهـا
وماحجوا لبيت الله علـى مرالزمـن ودهـور=وعـد الغيـم والرعـاد والمزنـه وماطـرهـا
على المختارمن خلقه أمين وصادق ومنصـور=شفيـع المؤمنيـن بيـوم رابحهـا وخاسرهـا
العرض الشجري
