قلي بربك يا بعد عمر مغليك
وشلون خنت اللي محرم يخونك
وشلون هانت رجوتي يوم انا ارجيك
وشلون هانت دمعتي في عيونك
وشلون بعت اللي بالناس شاريك
قلي علامك بعت ناس يبونك
قلي بربك دامني بصدق هاويك
وشلون بحيا باقي العمر دونك
قلي بربك حالي اليوم يرضيك
طايح جريحاً والسبايب طعونك
طايح جريح و انتخيبك واناديك
ودي تقول ابشر حبيبي يا عونك
واثرك تقول ابعد انا اليوم ما ابيك
وتروح وتتركني بلحظه جنونك
وقف! قبل لا تروح ربي يخليك
دامك رفضت احلى حياتي بكونك
ارجوك قبري تحفره اليوم بيدينك
يحرم علي العيش يا زين دونك
العرض الشجري
