الجزء الخامس
أم خالد : هي يا اليوم شنو فيك شوي بطير اثقل يا خالد فضحتنا .
خالد وهي شوي بيطير : امي انا لو عندي جناح جان من زمان شفتيني في السماء في سماء ساره ساره يا امي
ام خالد وهي تشوف خالد بنظره تعجب : لا بلاه ولدي استخف هذا خطوبه وانت استخفيت لو زواج عيل شو بتسوي .
خالد : ما ادري يمكن اصير مجنون مجنون .
ام خالد : ليش انت مقصر انت ألحين مجنون .وتمت تضحك على خالد وحركاته .
ام خالد : بس نحن بنسوي مفاجأه حق ساره لان اصلا الام تعرف وهي وافقت من زمان اليوم بنسوي حفله بسيطه عشان مناسبه خطوبتك منها .
خالد : الله يخليج لي يا امي الغاليه صدق احلى مفاجأه.
وراحت ام خالد تتصل في ام ساره عشان تقولها انهم اليوم بيون عندهم للعشاء
ام ساره وهي رايحه ادور ساره : سارووونه يمه ساره حبيبتي .
ساره وهي تكلم صديقتها على الماسمجر " هلا يمه انا بغرفتي
ام ساروه : سارونه اليوم بنات خالتج كلهم بيون وحتى خالتج .
ساره وهي مستغربه : غريبه ليش انتي عازمتنهم .
ام ساره : لا بس هم اعتقد يايين عشان سالفتج حبيبتي .
ساره استحت وعرفت امها شنو قصدت.
وبعد دقايق وصل لها مسج ويوم فتحت المسج شافت المسج : ساره يا عمري حبيت اقولج ان اهلي يايين عشان يسوون حفله صغيره بمناسبه خطوبتنا رسمي واخيرا يا ساره بتتحقق احلامنا.
المرسل : خـــــــــالد
دق قلب ساره بسرعه وما عرفت شنو
تسوي هي بعد كان حلمها تكون ويا خالد وما عرفت شنو
تسوي غير حضنت الموبايل وابتسمت .
(في بيت ريم ..)
راحت ريم غرفه اخوها فهد لان البارحه ما جلست معاه
ودخلت عليه وشافته يطلع ملابسه من شنطته .
ريم وهي جايه
تحضن اخوها : صبااااااااااح الخير لاحلى فهد .
فهد وهي مبتسم :صباااااااااح النوووور لاحلى ريمان.
ريم وهي تلعب بشعر اخوها : تصدق اخوي اشتقتلك واااايد والله حسيت اني بموت بغيبابك .
فهد وهو معصب: باسم الله عيلج يا ريمان شو تقولين لا تطرين الموت سمعتي .
ريم وهي تتدلع : يالله ليش تحبني .
فهد وهو يمسك يد اخته : كيف ما احبج يا ريم وانتي الوحيده اللي بقيتيلي من وفاتهم .
ريم والدمعه بعيونها : الله يخليك لا تذكرني .
فهد يغير السالفه يوم شاف اخته تدمع : ولا تعالي شنو
اخبار ساره .
ريم وهي قاعده على كرسي فهد : ماشاء الله الاخ حافظ اسمها .
فهد وهو يبتسم : ليش في احد يشوف جمال صديقتج
وما يحفظ شكلها واسمها .
ريم وهي مستغربه : والله يا اخوي صرت رومانسي بس لا تفكر فيها هي محجوزه .
فهد وهو مستغرب: محجوزه ليش سياره .
ريم : والله يا فهد بعد تعرف تنكت لا صدق ولد خالتها يبيها
بس بعده ما صارت خطوبه رسميه .
وفجاه رن موبايل ريم وكانت طبعا ساره المتصله .
ساره : الوووووووووو ريماني
ريم وهي مبطله عيونها وتقول في خاطرها بلاها استخفت ساره : ايه ايه شنو
فيج انا اسمعج لا تصارخين .
ساره وهي ميته من الوناسه : ريماني واخيرا حلمي راح يتحقق.
ريم: شنو لا تقولين قصدج خالد بيي .
ويوم فهد سمع اسم خالد صد صوب اخته ويشوفها بعصبيه .
ساره : هي هي اليوم بيون يخطبوني ريمان الله يخليج تعالي اليوم بيتنا انا محتاجتلج تعالي اوكي
ريم : افا عليج يالغاليه هذا مب بس احلى يوم عندج والله ان بعد احلى يوم عندي لان سعادتج من سعادتي
ساره وعيونها تدمع على كلام اعز انسانه : فديتج يا ريم الله لا يحرمني منج .
ريم ولا منج حبيبتي يالله انا الحين يا بيي بيتكم .
ساره : امان الله .
وصكت ريم عن ساره وهي فرحانه وايد واستغرب طبعا اخوها عن فرحها المفاجئ.
فهد باستعجاب : ريم شو فيج ليش فرحانه هالكثر كانج حصلتي جائزه نوبل .
ريم وهي تضحك : اااه يا اخوي اليوم يوم مميز عندي لان الغاليه ساره واخيرا بتاخذ اللي حلمت فيه ساره يا اخوي بتنخطب من ولد خالتها .
فهد يوم عرف ان ساره بتنخطب تغيرت ملامحه واتضايق وطلع على طول .
ريم : فهد فهد وين بتروح ؟
فهد وهو معصب : تذكرت شغله ضروريه
ريم استغربت من اخوها بس ما كان همها الا سعاده ساره.
وطبعا ساره فرحتها كانت غير راح لبست وكل شي لان اليوم يوم خطوبتنها من خالد .
وفجاه دخلت ريم وصارخت : سااارووووووووووه حبيبتي مبروك مبروك الف مبروك
ساره وهي تحضن ربيعتها : الله يبارك فيج يا ريمان وعقبااااااااالج .
ريم وهي تسمح دموعها : تستاهلين
ساره : ليش هالدموع يا ريم ليش
ريم : دموع الفرحه يا الغاليه
ساره وهي تحضن صديقتها
: فديتج والله يا ريم عمري ما راح احصل مثلج.
اما فهد وهو راكب السياره كان منقهر واااايد بخطوبه ساره وهو مستغرب ليش هالاهتمام كله ويقول في خاطره : معقوله احبها معقوله بس كيف احبها وما شفتها غير مره . وكان يضرب يده في السكان ويقول ليش يا ساره انا مهتم فيج ليش؟؟؟؟
اما ساره فاتلبست احلى ما عندها ويابت الكوافيره وكانت مثل القمر صدق حلوووووه لبسها وشعرها ومكياجها كل شي.
واستوت حفله صغيره بمناسبه خطوبه ساره لخالد .
والكل كان مستانس وراح شغلو اغاني
وتمو البنات يرقصن والحريم يصفقون ويوم نزلت ساره الكل سكت وانبهر بجمال ساره والكل تم يطالعها .
ام ساره : ماشاء الله عليج يا بنتي الله يخلي شبابج .
ام خالد : والله ولدي اختار ملكه جمال .
وهند تشوفها باحتقار وميته من الغيره : أي جمال كله مكياج.
نوره : لا حبيبتي لا مكياج ولا شي اصلا ساره جمال رباني حبيبتي ماشاء الله عليها والغبي اللي يقول انها موحلوه.
وتمت تشوف اختها هند من فوق لتحت يعني الكلام كانت قاصدتنها لهند.
وبعد ما خلصت الحفله والمعازيم راحو
خالد وهو يتصل على نوره اخته ويترجاها عشان يبى يدخل ويشوف ساره .
نوره بعد ما صكرت التلفون من عند اخوها : ساره ترى اخوي ذبحنا يبى يشوفج يمكن .
ابو خالد : كيف يشوفها شو ما يصير هذا مب محرمها بعده بس خطوبه بينهم .
ام خالد : معلي يا بوخالد خلا ايي يشوف خطيبته بس نحن بنكون وياهم بس دقايق يعني ...ثانيا اكيد ساره بتتغطا بشيلتها وعباتها وما اطلع الا ويها
نوره وهي ماسكه التلفون : يعني اتصل فيه واقوله ايي.
ام ساره : هي يا بنتي عاد ترى خالد مب غريب تراه ولد اختي يعني من الاهل
واتصلت نوره في خالد اللي شوي بيتخبل من الوناسه لان بيشوف ساره .
واول ما دخل سلم على خالته وامه وكان يدور على ساره .
ضحكت ام ساره : شنو
فيك يا خالد اقعد ساره الحين بتي .
ساره دخلت وهي طبعا متغطيه بس ويها ظاهر وهي مستحيه وماسكه ريم من الزياغ والخوف والتوتر .
.خالد يوم شاف ساره شوي وبنجن
من جمالها وهو كان قاعد بس يوم شافها وقف ومبطل عيونه .
وماعرف كيف يتكلم وهوقاعد يشوف عيون ساره : ساره اشحالج ؟
ساره مستحيه : هلا خالد بخير الله يعافيك وانت شنو اخبارك؟
خالد :يسرج الحال يا يا يا ساره .
والكل رجع بيته
وخالد كان طااااااااير من الفرح علشان خطوبته من حبيبة العمر .وحتى ساره كانت فرحانه .
وبعد اسبوعين من خطوبتهم كانت السنه اليديده يعني الدوامات بدت وقررت ساره انها تترك الجامعه لانها كانت بالسنه الاولى لانها بتزوج يعني صعب عليها تكمل 3 سنين وقررت انها تشتغل مع نوره في البنك واما هند فكانت في اخر سنه يعني الثانويه العامه وطبعا صديقتها منى كانت وياها .
بدت المدرسه وسلمت هند على البنات وراحت عند منى
هند : ااااااااااااه تصدقين الاجازه بسرعه خلصت .
منى وهي زعلانه : صدقج والله ما تهنينا بالاجازه ولا تعالي شو اخبار خطيبه اخوج .
هند وهي ماسكه شنطتها : لا تذكريني فيها روحي ما احبها
منى : ليش هي طيبه ما سوت شي ولا قولي تغارين
هند فرت الشنطه على كرسيها : حبيبتي ليش اغار انا واثقه في جمالي.
منى تريد تبدأ خطتها : انزين مب حرام هالجمال كله ومحد يشوفه يعني ما تتهنين .
هند تشوف منى بتعجب: شو قصدج ؟ ما فهمت ؟
منى وهي راحت عند هند وتمت تشوفها : حبيبتي أعتقد نسيتي السالفه اللي قلت لج من مده ؟
هند وهي تشوف ربيعتها بتعجب: أي سالفه ؟
منى : يوم قلت لج اني بعرفج على اخو صديقي وحياتج بتكون غير صدقيني
...
انتظروا البقيه
العرض الشجري
