لاضاق صدري رحت أقلّب عربسـات " "قمـت أتفكـر فـي عجايـب زمـانـي
متنقـلٍ مابـيـن ذيــك المحـطـات " "بإبهامـي ألـفّ الأرض فـي ثـوانـي
وماشدّ نـي مـن بيـن كـل القنـوات " "اللـي بهـا ناظـرت شــيٍ دهـانـي
قم يانديمـي فـوق زيـن الموديـلات " "VXR ت،،وّه صــادرٍ بالـمـوانـي
النوع TOYOTA من أرقى الموديلات " "JAPAN صنـع الأ فنـس الكيفرانـي
يصبر على قطع الوعـور الصعيبـات " "يطـوي صحاصيـح الخـلا مايعـانـي
عليـه مطنـوخٍ يحـفـظ الوصـيـات " "عنـد اللـوازم ذيـب ماهـو هـدانـي
شيّـك علـيـه وجـهّـزه للمهـمـات " "ثـم فلّلـه مـن (شيشـة) المسلمـانـي
وخذ النفود قطـوع صـوب القريـات " "وعَـدْ الحـدود لـدار صـاف الثمانـي
متنحـرٍ دار الـطـرب والونـاسـات " "عشايـرٍ مـن قوم)طونـي) و (هانـي)
الديرة اللي سَلـم أهلهـا خـذ وهـات " "ماللحيـا بطـبـوع ربـعـه معـانـي
لاجيتهـم تلقـا الهـنـا والمـسـرّات " "والضيـف لـه قيمـة وقـدر ومكانـي
يْقلطـون (الترتـه) ومعـه (كيكـات) " "ومشروبهم .. مشروبهـم شكـل ثانـي
حياتهـم هـزٍ .. ووزٍ .. ود بـكـات " "ويـرددون الهـابـط مْــن الأغـانـي
دارٍ بهـا للزيـن وســمٍ وبصـمـات " "به ناعسـات الطـرف سيـد الغوانـي
لاشفت أنـا هـاك الغنـج والحركـات " "مسكت راسي ثـم قلـت آه ياااااااانـي
وأخص أنـا بالقـول باسكـال بالـذات " "هي شيء .. واللي غيرها شـيْ ثانـي
عليـه عيـونٍ تقطـع القلـب بسكـات " "همـت .. ضعـت و(جمـدت) بمكانـي
تبلغـه شــوق وســلام وتحـيـات " "وتحـب جبهـت عودهـا (مشعلانـي)
صحيح قالوا قبل مـن يختشـي مـات " "والله يستـر مـن توااااااالـي زمـانـي
وهــذه قصـيـدة الـــرد علـيـهـا
لاضـاق صـدرك ياقليـل المـروات " "صـل الصـلاة ولا تجـي للاغـانـي
استخدم ابهامك فـي طـي الصفحـات " "صفحـة كتـاب الله بــاب الامـانـي
اخير مـن شوفـة وجيـة الخواجـات " "اللـي غضـب ربـي عليهـا يبـانـي
لحمـة مخمـة فالـبـلا والمـلـذات " "غرتـك صبغـة وجهـهـا البهلـوانـي
ترسـل نديبـك فـي ردي المهـمـات " "اهـل الـردى فالـدرب دايـم خوانـي
"والفكـس" لاتطريـة بالـذات بالـذات " "ماهـو بمركـوب الـنـذل والهـدانـي
الفكـس مركـوب الرجـال الثقـالات " "مقنـى عربيـن النـسـب والمجـانـي
باسكـال يامسكيـن راحـت ولاجـات " "مالـك ومــال الساقـطـة يافـلانـي
وجة عليـه مـن التشاكيـل صبغـات " "ابيض مـع احمـر والشعـر برتقانـي
لاشافـت الطرقـي تبديـة نـظـرات " "وتميـل مثـل الــداب والعقربـانـي
بنـت لهـا فالليـل صولـة وجـولات " "تضحك علـى مثلـك بطـرف العيانـي
تضحك على لحيتك بنت لهـا اخـوات " "ياكيـف ترضـى يافـتـى للهـوانـي
تحـب جبهـة مشعلانـي يـاذا الشـاة " "اثـرك تـدور ريـحـة الزعفـرانـي
لاواللـة الا راس مافـيـة نـعـرات " "اتـحـب راس ابلـيـس يامودمـانـي
يـاونـتـي ونيـتـهـا 10 ونـــات " "الادمــي يـانـاس طـلـع جنـانـي
خلك بـدار اهـل الكـرم والجمـالات " "دار حبـاهـا الله رفـعـة وشـانــي
دار بهـا ستـر البـنـات العفيـفـات " "هـذي بــلادي ياطـويـل الاذانــي
اشعب ركابـك فـي جميـع النحيـات " "امـن وامـان ويـش غيـر الامـانـي
اخيـر مـن دار تـحـب الـريـالات " "باعـوا الكرامـة يالـلـة المستعـانـي
م ل ط و ش
أخوكم :. سفير مملكة الحب
تحية أعجاب لمن يستحق الأعجاب
قصيدة في بسكال وعربسات
العرض الشجري
