السلام عليكم ورحمة الله وبركاته وكما عودكم جوال بدون شريحة على القصائد الي تليق بقامكم واللي ان شالله تلامس شي حنا نحس فيه وتؤثر فينا <<<<<< افهم من كلامك لك ستين طعش سنة تكتب هنا قصائد اخليكم مع هالقصيدة واللي تتكلم عن بنت فقيرة وتكبرت يوم صارت تلبع بالدراهم لعب الليل روح وانهزع بي جريدة =-=-= -=- والليل مابين على روس الاطلال وانا شريط الذاكرة قمت اعيده =-=-= -= واشوف وشلون انقلب حال عن حال ذكرت من جاه الترف غصب بيده =-=-=-= واليوم صارت بالملايين تختال كانت فقيرة في الحياة الزهيدة =-=-=-= محرومة من لعب واحلام الاطفال كانت فرح قلبي وهمه وعيده =-=-=-= لا شفتها شخصت بمشاغ وعقال وازم نفسي تقل وش هالوليدة =-=-=-= واقول ياربي متى اصير رجال كانت تقول اكتب لعيني قصيدة =-=-=-= واقول باكر اكتب الشعر واختال واكتب لعينك كل يوم جديدة =-=-=-=-= قصيدة تحفظ على مر الاجيال كانت تقول امي تراها شديدة =-=-=-=- ابوي مات ولاذخر عقبه عيال وانا اعتبرني من خواتك وحيدة =-=-=-= ابيك ترسل لي هدايا وسلسال وانا فقير مامعه في رصيده =-=-=-= من كثر فقره مايحمل بجيبه ريال كنت اعتذر يوم الليالي عنيدة =-=-=-=- واقول بارك ينقلب حال عن حال وفعلا تعيش اليوم عيشة سعيدة =-=-=-= تزوجت واحد من رجال الاعمال وعندها خادم وهي مثل سيده =-=-=--= وتملك لها فلة وسايق وجوال ومن بعد ماغابت سنين عديدة =-=-=-= قابلتها وانا على الفقر لاازال سئلتها وش هالحياة الجديدة =-=-=-= قالت نسيت اسمك ولا هو على البال وقمت اناظري بالشعر والورق والقصيدة =-=-=-=-= مافادني شعري بعد صرت رجال وسلامة قلوبكم ويالبى عيونكم هاللي تطالع القصيدة على قولة ركود ماهي عيون هذي هذي اسلحة دمار شامل لو يدري عنها بوش فك صدام وجا يطالبكم حياكم الله واتمنى ان تحوز على رضائكم ولاتحرمونا من ردودكم استغفر الله واتوب اليه