اسعد الله مسائكم وصباحكم بكل خير ومبروك عليكم شهر رمضان المبارك
تقبل الله من الجميع صيامهم وقياامهم..
قصيده كتبتها في احدى المواقف..
اقبلوهااا كما
أنـا شامـخ بشعـري مـا أحـب النقل والتقليـد
أنـا شاعـر ولا أحتـاج نقـلٍ ينقـص بـقـدري
تبين أكتب مثل( حامد ابن زيـد ) ليـه بالتحديـد؟!
وإذا قالوا مقلّد شعر ( حامد ) ويش بـس عـذري
انا (فيصل محمد)ولي إسمي وذاك (حامدزيد)
أهو يكتب وله شعـره وانـا أكتـب ولـي شعـري
إذا بسرق من احساسه قصيـدي مـا اظـن يفيـد
ولو قالوا : نظم شاعر.. بقول: مـا ظنتـي بـدري
أنـا مـن طيّـر الكلمـه ونـوخ بالقصايـد بـيـد
وخـلا كـل عـذرى بالعواطـف شوقهـا يسـري
أقول من الشعر مقصـد ولا قـد خاننـي التسديـد
ألـف وآدور والمقصـد أكنـه داخـل بـصـدري
قصدت ب شوق ونوف وقصـدت بوالـدي والعيـد
وقصدت بأمـي وربعـي وأبيـع بكلمتـي واشـري
تـرى كـل الكـلام اللـي أقولـه مابـه التأكـيـد
كـلامٍ قالـه الشاعـر خيـال وجـوهـره يـغـري
ولا بـه ذرة الواقـع غـزل ثـم لهجـة التهـديـد
كـذوبٍ مالهـا داعـي وجنـون لعاشـق يهـذري
ألا يا (عاشقـة حامـد ) بـلاش الحـن والترديـد
ترى مـل الحشـا منـك وقـرّب ينتهـي صبـري
تبني مثـل مـا آنـا علـى كيفـي ومثـل ماريـد
أو أطلبك السموحـه لا تجينـي لـو علـى قبـري
فهمتي مقصدي ولاّ ! أنا حاضـر.. تبيـن أعيـد؟!
ترى ( حامد )على عيني واقـول أنعـم إذا يطـري
ولكنـي عزيـز النفـس ولادانـي غثـا التمجيـد
ولابيع لـو بمـال الكـون أحاسيسـي مـع فكـري
أحب لو قال من يسمع قصيدي : يـا حلاتـه زيـد
وربـي بكـل ماقولـه يزيـد احساسـي وفخـري
انا (اصدق الشعر واعذبه) نظمت جزل الشعر بيد
وبيـدي الثانيـه أبـدع وأصـور بالهـوى نثـري
أحـرك ذروة الساحـه وأشجـب وارفـع التنديـد
وأحارب بالكلام وأسحـب جيوشـي علـى قصـري
اخوكم فيصل بن محمد الغازي
العرض الشجري
