نذالة الأطفـال !

[ركود ركود الزعيم موجود]

مرحبـــاً !

موضوعي اليوم , عــن ": . .


الأطفال ونذالتهـم , خصوصاً من ضرس الثانية حتى ضرس الخامسة . .

وبما أن الــ ( ضرس ) = الــ ( سن ) .:. إذاً : س = ص تربيع << تأثير الرياضيـات . .


ماعلينا , ندخل في الموضوع على طول . .


تعالوا نشوف شطانتهم ونذالتهم في هالعمر :


1 ) عندما يبدا بالكلام فإنه يبدا بكلمات ( تب ) يعني حط لسانك في لهاتك واسكت و( حسّن ) يعني تستاهل . .

2) لين بدأ يمشي فإنه لازم يروح لكهربة التلفزيون ويطفيها وهو يطالعك ويضحك !

3) إذا يشوفك تتكلم مع أحد فبتشوقه يصارخ ويغني من دون سبب !

4) يضيعون مفاتيح البيبان والأدراج وكل شيء لأنه شالها من مكانها وينسى وين حطاها !


5) لين تكون شابك على النت وكاتب موضوع في المنتدى وباقي اللمسات الاخيره عليه فجأه تحس انك عطشان وتذهب حق تشرب ماي وتنسى باب غرفتك مفتوح !! وفي رجعتك تچوف ولد اخوك حايس الغرفه وقالب الكيبورد وواقف عليه وقاعد يطفي الجهاز ويشغله وهو مستمتع . .

6) إذا تحسس الطفل انك اب حنون وتقولتبع معاه فهو يستغل الفرصه لتمشيخك او ضربك على عيونك . .


نصيحـة : لاتخلي الطفل بإنه يركب على بطنك وانت نايم خصوصاً إذا كان الطفل ( دُب ) , لأن إذا قعدت بتشوف مصارينك عندك رجولك . .

هذا كما يقال (( غيظ من فيظ )) يعني شي من لاشي وما خفي كان اعظم

والي يتذكر سالفه صارت معه او موقف يقوله عشان نأخذ الحيطه من الورعااااان.