السلام عليكم
تحيه طيبه احبائي
" وسن " متواضعه كل المبتغى منها التواصل ..
حاولت اطلع فيها عن المألوف .. اتمنى تعجبكم
بالنسبه للاسماء بالقصيده مالها اي قصد .. مجرد اسماء 
يابايعه من يشتريك بلا ثمن = وشلون بعتيني وانا ما ارخص غلاك
يا دافنتني بالقبر ابلا كفن = شلّي عملته لجل تجزاني بقساك
ذنبي هويتك والهوى جرح وفتن= ذنبي وفيت ولا عشقت احد ٍ معاك
ذنبي انا الاخلاص ياجرح الزمن = ذنبي عطيتك حب فايق مستواك
ان خانني التعبير مره يا "وسن "= ما اكرر الغلطه وارد اطلب رضاك
لأني عزيز النفس ما الين لمحن = تجتاحني واكسر شموخي في هواك
غيرك كثير اللي يبوني من زمن = غيرك كثير وزينهم فايق حلاك
" نوره " و " اميره " و " المها " وايضا " شجن " = كلهم يبوني بس كنت امشي وراك
بروح ادورهم وانا اخبرهن مشن = بس اني بلقاهم هنا والا هناك
ما أقسى على الرجال من غربة وطن = الا بنية تطعنه طعنة هلاك
واليوم انا قاسي وقلبي ما يحن = ببعد عن دروبك ولاتقول اش بلاك
بغير اللي في خفوقي قد سكن = بشوف من يرعى غرامي اللي رعاك
تبغى الصراحه بغيت اغيضك يا " وسن " = انتي معي وادور لوحده سواك !!
هو ناقص ٍ عقلي او اني منسكن = تحرم علي كل البنات اللي من وراك
بعدين اقول لك شي قبل عقلك يجن = من قبل تذبحيني وتتركيني بهلاك
كل البنات اللي معك تزوجن = ماباقي الا انتي وانا باقي معاك
امزح وانا ادري مزحتي فيها عفن = فيها بياخه بس اعذريتي يا "" ملاك ""
وش فيك ! منتي مصدقتني يا " وسن " = اقسم بعدهاليوم ما بمزح معاك
اخاف انا اللي باكر بيدفع ثمن = واشكي نتايج مزحي وابكي جفاك
( احسن لي انعم .. واتركّد .. وافتهن ) = دامك معي في دنيتي محدٍ سواك
من قبل لا تصدين ثم انا اللي بيجن = " واقعد بها " وآنا انتظر لحظة لقاك
العرض الشجري
