عسى الله لا يجزاك يا زير ٍ لفى =على عيني الي ماهتنت في رقودها
لفاني وهيضّ ما توارى بخاطري=على شوف عذراً نقضت لي جعودها
لفاني وذكّرني ولا هي بغايبة=في موق عيني صِدرها مع ورودها
يا حسرتي من عقبها غضّة الصبا=ياهم روحي بعدها يا وجودها
جتني وهل الدمع من موق عينها=تبارى وشعشع فوق صافي خدودها
قلت اخبريني!!لا تزيدين علتي=صدت,,ولدت لي ,, وعادت صدودها
قالت لفانا ضيف طلاب حاجة=ان ما تقفاها لزوم ٍ يقودها
طلبني وهلوا به هل الشان واملكوا=على الي عيونه شوف عينك سعودها
قلت اصدقيني,, عشرتك ما بغيتها=جيتك لا عادت ولا الله يعودها
قالت يدلك ضيق حالي صدري وحالتي=اقرب,, وضمتني صخايف عضودها
ضميتها والروح مني تبددت=مما غشاها واعتراها برودها
قالت تخير ما توده من البني=صغيرة ٍ يعجبك ريّان عودها
تهنى معا غيري من البيض وانسني=والله مابري ذمتي من عهودها
وعد ٍ عطتكياه نفسي برغبتي=نوفي ونجبرها بماضي وعودها
سكتنا وصار الهرج في حاير النظر=واغظيت عن خرساً عشاني جنودها
تخايل لعيني زولها مع حليلها=اليا اختلى معها توسد ازنودها
بالي شرع له باري الخلق يهتني=تنشى نحرها لين مفرق انهودها
ان قلت اباصبر!! ضاق صبري وحيلتي=وان قلت اباشكي!! خفت يدري حسودها
ماني قريب ٍ واتعذر بقربتي=ما كان جدي واحد ٍ من اجدودها
-حبيتها وامضيت عمري بحبها=وذي عشرةٍ مع غيرها ما نعودها
العرض الشجري
