يالله يالهادي لخير السبيلي=ماضل من تهديه درب استقامه
ياوالي(ن)لارزاق خلقه كفيلي=ياخالق الدنيا ويوم القيامه
ياغافر الزلات منشي المخيلي=يامحيي اللي مات وافنت عظامه
الوذبك يالله وانت الوكيلي=ارجيك جلاي الدجى والظلامه
يافارج الكربات مشفي العليلي=افرج لمن حاله تزايد عدامه
كنيت همي محتمل للثقيلي=لو فاق ضلع طويق ولا تهامه
صابر وعيا الوقت لا يستويلي=اقشر زمن سددعليه سهامه
اصبرت يوم الصبر عندي جميلي=والصبر مفتاح الفرج والسلامه
صبري على فعلي ولو هو طويلي=مافيه عيب(ن)لي ولابه ندامه
مانيب من يصبر سواة الهبيلي=صبر(ن)يذل النفس صبر الرخامه
ماترتفع للعز هامة ذليلي=ماللذليل مع العزيزين هامه
ولاتعطي الجزلات يمنى البخيلي=ولاتنفع النخوه بخطو الهلامه
من نخا الخبلان زاد بمليلي=والخبل مخطي من يحطه حزامه
عزتي للي رجا منهم حصيلي=في نهار(ن) بان في جوه عسامه
هذا وانا ماقد تنخويت برذيلي=ولانيب من ينخى عديمين الكرامه
لانخيت انخى منجيت الدخيلي=زبن من قاسا زمانه لين ضامه
انتخي باللي كما نجمة سهيلي=ومع هل الطالات سجل علامه
هذاك في يمناي سيف(ن) سليلي=واف(ن) فعوله كافيه عن كلامه
واختامها بعداد ماسال سيلي=صلو على محمد رفيع المقامه
ماترتفع للعز هامة ذليلي $$ ماللذليل مع العزيزين هامه
العرض الشجري
