يا عيني حظنا تعبان------>اغنية تحكي حال الفارس((اطمر داخل وشوف))

[ميــ قمر14ــشو]

السلام عليكم ورحمة الله وبركاته

يا شباب وشابات المنتدى طبعا الفارس قالكم قصتي ومعاناتي مع اني كنت مأمنه على سري بس طلع خرطي ما عنده سالفة يعني اياكم تعطوه سر بعد اليوم

بس طبعا انتو ما يخفى عليكم انه جلسات المصارحة غالبا ما تكون من الطرفين وانا كنت ناوي اكتم سره لكن هو اللي بدى والبادي اظلم

المهم كنا قاعدين نسولف انا والدب الفارس ومن سالفة لسالفة جت سالفة الاغاني :

انا : فرسون انت تسمع اغاني انت ويا اذانيك اللي كنها دشوش
الفارس : والله يعني مو كثير انا احب اسمع بريتني سبيرز بس العربي شوي

انا : طيب مين تسمع عربي
الفارس : والله احب ماجد الراشد((والله يالدلاخة:D)) واسمع عبدالمجيد وابو سارة (( يقصد ابو نورة))
انا : طيب وش اكثر اغنية تحبها
الفارس : اغنية عبدالمجيد ((ياعيني حظنا تعبان))
انا : شمعنى ؟؟
الفارس : ياخي الاغنية هذي احسها تتكلم عني تهئ تهئ وااااااااع((قام يصيح ))
انا : خلاص حبيبي هون عليك ,,, اذا عندك شي ولا تواجه مشاكل صارحني يمكن اقدر اساعدك
الفارس : انا من زمان ادور على واحد افضفضله عما في داخلي بس توعدني انك تكتم السر
انا : في بير ((والله لا بير ولا شي بس من زود اللقافة))

المهم وبدا الفارس يشكيلي ويبكيلي ويقول :


والله يا ناس مدري وش فيها قرادة الحظ ملاحقتني
كل ما اقول هانت وتروق وتحلو القاها تعكنن اكثر بوجهي بس يلا تروق وتحلو
انا يا مشمش كل ما اروح محل ولا اسوي اي شي النحس ملازمني

انا ((قاطعته)) : واقول من وين جاني النحس ,,, هذا كله من تحت راسك يا وجه النحس*2

الفارس : انا الحين اشكيلك وانت تشب علي بدل ما تواسيني
انا : طيب معليه نتفاهم بعدين كمل قول شعندك

الفارس : والله يا مشمش انا الحين بورطة كبيرة وانا ببلاد غربة وما احد عندي يساعدني *a


انا : خير ايش صاير ؟؟؟ قول واذا اقدر اساعدك فمن عيوني هذي قبل هذيك :D
الفارس : انا الحين مطالب بدفع دية 120000 ريال وماني عارف ادبرها ويوم قلت لابوي اتبرى مني لانه معتقدني قتلت الرجال عمدا
انا : اي دية واي قتل واي رجال فهمني شالسالفة
الفارس : شوف يا مشمش اذا باشرحلك منت فاهمني بارسلك الصورة وانت تفهم
انا : طيب يلا

المهم ويرسل الصورة ,,, وانا طبعا خزنتها عندي على الجهاز عشان اذا لف بذيله اهدده فيها
تبغون تشوفون الصورة تفضلوا ولا تغلى عليكم :
.
.
.
.
.
.
.
.
.
.
.
.
.
.

انا يوم شفت الصورة ما قدرت امسك بطني من الضحك قعدت نص ساعة اضحك وهو يتوقع اني زعلت منه زي ما سوى ابوه وباتخلى عنه بس ما يدري اني قاعد اكركر *3

المهم رجعتله
انا : الله يخسك والله من جد انك نحس
الفارس : عارف ما جبت شي جديد ,,, ولا العن من كذه يوم ما قدرت ادبر المبلغ واغلب اللي اعرفهم تخلوا عني قلت مالي الا اني اسرق
وادور احد اسرقه والله والقى واحد صعيدي شكله دلخ قلت خلني انصب عليه واسرق اللي معاه ,,,, والله واعطيه نصبة محترمة ويصدق الرجال ويعطيني اللي معه ,,, بس من زود القرادة يوم اروح البيت ولا نص ساعة وطابين على الاف بي اي يقولون اني مزور عملات وفتشوا البيت مالقوا شي لكن يوم فتشوا بوكي شوف ايش لقوا :
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

هذي الفلوس اللي سرقتها من الصعيدي كلها زي كذه صدق ان المال الحرام ما يدوم ,,, واخذوني بتهمة التزوير وبالويل حتى طلعت بكفالة دفعلي هي العمدة والحين محاكمتي بعد اسبوع وياليت تساعدني في حل مشكلتي

انا((بس بعد ما تفقعت من الضحك)) : ابشر حبيبي مالك الا اللي يسرك,,, بس عطني وقت ,,,

الفارس : تكفى حاول تساعدني واذا ما قدرت على الاقل لاتفضحني

انا : ابشر قلتلك سرك في بير :D



المهم بعدها نمت ونسيت ايش قالي الدب من الاصل
بس هو ذكرني بالموضوع بعد ما كتب عني وقلت خلنا نساعده ونفضحه بنفس الوقت

يا شباب وبنات اللي منكم عنده حل ولا عنده تبرعات حق الفارس يتقدم فيه واكون شاكرله


وعلى فكرة هناك رواية اخرى تقول ان الفارس قتل الرجال في السعوديو هرب لبريطانيا عشان مايقصوه

هذا والله اعلم





يلا يا الفارس ورنا ردة فعلك انا يوم اقول مردودة ما اقولها كلام
حنا قوم قول وفعل *2





مع تحياتي :

اخوكم مشمش ,,,