السلام عليكم
شاعر الحرمــان ..
الأمير الشاعر عبدالله الفيصل من عمالقة الشعر الــــنبطي
في المملكة العربية السعودية
واليه يعود فضل كبير في حماية هذا الشعر وتقريبه من ذوق
وفهم الجمهور .. فقد جدد عبدالله الفيصل في استعمال
الصور الشعرية .. وبهذا اضـفى على هذا اللون من
الشعر رونقا ً عصريا ً جديدا ً ..
وتتعدد ّ أغـراض الشعر النبطي عند عبدالله الفيصل
فمن حكمة الى حماسة ووطنية الى رثاء الى نصيحة
وهذا كله باطار الانـفعال والاحساس الكبير
بكل هذه المعاني وماقيلت من اجله ولكن غلبة الغزل والعاطفة أيضا ً على هذا النوع من الشعر يعكس لنا
نفسية الشاعر وحبه للشعــــر العاطفي الوجداني وانـفعاله ٍ بـه
بــصورة خــاصة
اذا عبدالله الفيصل يكتب الشعر النبطي المسهل
او المــــــطعم بالفصـــــحى بحيث تتقـبله الأذواق
والـثقافات الـمختلفة
وقد صدر للشاعر أول ديوان شعري بعنوان
وحي الحرمان في عام 1373 هجرية الذي نال اعجاب وتقديرالـنقاد ومتذوقي الأدب ... وصدر ديوانه الثاني بعنوان
حـديث قـلب عام 1403 هـــــــجرية ...
وديـــوان ثالث بعنوان
مشاعري
وترجمت اعماله الشعرية إلى الـفرنسية ...
مختـــارات من قصــائده
أبتعد عني ..
إبتعد عني ماحبك وش تبي بي
قدرك العالي رميته في الثرى
واحسايف قوليتي لك ياحبيبي
يوم قلبي مولع بك مادرى
إنك الغادر وقصدك تلتهي بي
وان عاطفتك تباع وتشترى
إنس وقت فات مالك به نصيبي
لاتذكــر لاتذكــر ماجرى
يوم هفت شمس حبك للمغيبي
استرحت وعاد لي طيف الكرى
ـــــــــــــــــــ
الحــرمـان ..
انا وياك يالحرمان في الدنيا غدينا اخوان
مسيرتنا سوا في كل حاضرنا وماضينا
مشينا فوق درب السهد والآلام ولأحزان
حيارا في خضم التيه ماترسي مراسينا
تباشير السعادة عن نظرنا لفها النسيان
وفوق اهدابنا ماتت من الحسرة امانينا
على درب الالم تمشي مواطينا على النيران
ظلام الياس ينشرنا على حبله ويطوينا
ترانيم الهنا في يوم مولدنا غدت صلبان
صلبنا فوقها من غير ماتجي ايادينا
تعوضنا عن البلبل وشدوه نعقه الغربان
وعن غصن الزهر غصن بعكف الشوك يدمينا
هلا باللي يبي ينظر شقوة الانسان
يجي ينظر تجسدها بكل اطوارها فينا
ــــــــــــــــــ
لا تحـــــاول ..
لاتحاول كل شي انتهى
حبنا الي فات لايمكن يعود
حبك الي كان في قلبي فها
ويش اسوي صاب عاطفتي برود
مالقى قلبي بقربك ماشتهى
مالقيت الا المذله والجحود
اشهد انك فقت جيلك بالبها
وإن زينك طاغي ماله حدود
مير عيبك ياجذ وان المها
ميت الاحساس ياوردي الخدود
وإن عرضك لاهي به من لهى
وإن عقلك ناقصٍ مافيه زود
ـــــــــــــــــــــ
ليتني ماشفت ..
ليتني ماشفت في عينك دموع
منظر الدمعه على خدك هلاك
يامضوي في دجى عمري شموع
الحزن ماخلق لعيون الملاك
اتحمل عنك كل امر يروع
خذ هنا قلبي وخلف لي عناك
واتقدم لك بقلبي في خضوع
ضح به في هيكل الحب لهواك
او تلطف به وضمه في الضلوع
علها تورق غصونه في حماك
من سهومك ماحمى قلبي دروع
والشفا ياروح روحي في شفاك
ــــــــــــــــــ
ياصـاحبي دعني ..
ياصاحبي دعني 000لياك تمنعني
قيد فتلته برجلي حز رجليني
والا تقيد لي000في الحب صر مثلي
عطني مثل ماخذيته يابعد عيني
ماهوب ذا واجب 000يالصاحب
وصلك لغيري وأنا بالهجر كاويني
ويلي من الحره 000حطيت له ضره
وأنا موحد بحبك مالي اثنيني
لوفي يدي امري000 دبرت عمري
ذوقتك اللي مذوقني من الشيني
ـــــــــــــــــ
الا واشيب عيني ..
الا واشيب عيني يوم قالوا لي فمان الله
وتحققت انهم من عقب لاماهم مقفيني
تغايا لي خيال الموت يومه مد لي يمناه
ولد بعينه الخرسا عقب ماقفى يراعيني
نهت وقلت مماجال بالصندوق واعزاه
سراب اللال باكر يطرد مابينه وبيني
حلفت برب خلقه لو يطول البعد انا منساه
انا وشلون ابيع اللي من العربان شاريني
تصبر ياخفوقٍ صار داه اليوم وسط ارداه
على رجوى ان رب العرش يدنيهم ويدنيني
مثل ماخذت قلبي قلبك المحبوب عطني اياه
على شان انتساوى في المحبة بالموازيني
ايلا قارنت بك غيرك خجلت وقلت :وانقصاه
انا وشلون اقارن كامل الاوصاف بالشيني
ولو هو في حسن يوسف كسف لي بنت نور اضياه
وأختّمها عسى ربي اللي بلاني بك يقويني
ـــــــــــــــــ
لوعــــــه ..
ألاقي من عذابك ما ألاقي
وحبك في حنايا القلب باقي
وتسرف في الصدود وفي التجني
وأسرف في التياعي واشتياقي
ولو يدري فؤادك ماأعاني
وما ألقاه من ألم الفراقي
لماأمعنت في هذا التجافي
ولا أذللت من دمعي المراقي
ولكني كتمتك هول مابي
ومازال التجلد من خلاقي
فلو زعم العواذل بي سلوا
فكل حديثهم محض اختلاقي
وماأبدي لهم غير التاسي
وإن كانت ضلوعي في احتراقي
وكم حسبوا عناني جد طلق
وقلبي جد مشدود الوثاقي
وأخشى ان يقال صربح شوق
يلاقي في المحبة مايلاقي
واغرق في ظلام الليل ياسي
فاغرق في اصطباحي واغتباقي
وأنهل من لمى ذكراك عذبا
أعلل به ووهم رضاك ساقي
ويبسط لي الخيال ظلال أنس
أعيش بها إلي يوم التلاقي
أعيذك أن تعين علي سقمي
معونتك الدموع على المآقي
ـــــــــــــــــ
ثــورة الشك ..
أكاد أشك في نفسي لاني
أكاد أشك فيك وانت مني
يقول الناس إنك خنت عهدي
ولم تحفظ هواي ولم تصني
وانت مناي أجمعها مشت بي
إليك خطى الشباب المطمئن
وقد كان الشباب لغير عود
يولي عن فتى في غير أمن
وها أنا فاتني القدر الموالي
باحلام الشباب ولم يفتني
كان صباي قد ردت رواه
على جفني المسهد أو كأني
يكذب فيك كل الناس قلبي
وتسمع فيك كل الناس أذني
وكم طافت علي ظلال شك
أقضت مضجعي واستبعدتني
كأني طاف بي ركب الليالي
يحدث عنك في الدنيا وعني
علي اني اغالط فيك سمعي
وتبصر فيك غير الشك عيني
وما أنا بالمصدق فيك قولا
ولكني شقيت بحسن ظني
وبي مما يساورني كثير
من الشجن المورق لاتدعني
تعذب في لهيب الشك روحي
وتشقي بالظنون وبالتمني
أجبني إذ سالتك هل صحيح
حديث الناس خنت؟الم تخني
ــــــــــــــ
وله عدة مساجلات اذكر منها مساجله له مع الشاعر
محمد الأحمد السديري في قصيده اسندها عليه السديري يقول فيها :
عن عوج ابو خالد نشدنا هل الخيل .... قالوا لنا يلفح بيمناً سليمه
قالوا قحوم ويرفع الراس بالحيل .... مع أول الغاره يعطعط رهيمه
يهز عرفه والسبايا مشاويل .... متذكر(ن) هاك الفعول القديمه
يسبق ولا يلحق بركضه تنافيل .... والبكره الوضحى خذاها غنيمه
كسبه فتاة ولا يخز المخاليل .... هاك الخزيزه حط فيها وسيمه
غارة ضحى ما غارته بأوسط الليل .... على النقا بالكود يجدع خصيمه.
فأجابه سمو الامير عبدالله الفيصل با الأبيات التالية :
حي الجواب اللي لفى والتماثيل .... من ماجد(ن) ما يستمع للنميمه
هو حاصلي لا كملنّ المحاصيل .... راس الشكاله والطروق السليمه
من كنت خاله ما شكى بردة الحيل .... يرد مثلك في توالي الهزيمه
غوجى على ظنك وترّك هل القيل.... من مربطٍ نادر عسى الله يديمه
خصّ(ن) الى من شاف زين التعاليل .... مثل العنود أن عاودت في الحزيمه
ما جمّع اصله مثل خطو المهاشيل .... اللي تدك بهم عروق(ن) سقيمه
ـــــــــــــــــــــ
وفيه من الشعراء من هو معجب بسمو الامير عبدالله الفيصل
وبأسم الحرمان ومنهم الشاعر المعروف / رشيد الزلامي وهو
شاعر نظم ومحاوره ومن رواد الساحه الشعريه في وقتنا الحالي
فعندما استمع الشاعر / رشيد الزلامي الى مقابلة مع سمو الامير
عبدالله الفيصل تتبع هذه المقابله واشتاق على أثرها لتطرقهم
لموضوع الحرمان فأعجب بذلك فاثارت قريحته واحساسه وانطبقت
على شي يدور في نفسه فقال هذه الابيات :
والله لأرآوع على الكلمة وقايلها .... لو كان ما قاله القايل علشاني
كلمات في فكره الناضج يحللها .... وانا متابع وبعض الشي يخفاني
ضليت اتابع مقالاته من اولها .... وسمعت ما حز في نفس وخلاني
اسمح لعيني على كثرة مشاكلها .... والوم دهري على ظلمي وبهتاني
دهري عوج عوجة(ن) وازريت اعدلها .... واللي سمعته من التعبير كفـّـاني
لي قصة طايله ما احب اطولها .... وحرمانكم يختلف عن نوع حرماني
يا امير انا مهنة الحرمان قابلها.... زميل مهنه ودوك اسمي وعنواني
تكفى على صفحة الحرمان سجلها .....عبدالله الفيصل الاول وانا الثاني
تحياتي نـ(Jeddah)ـواف®
العرض الشجري
