للشــــــــاعر * نمــــــــــر بن عـــدوان * في رثــــــــاء زوجتـــــــــــــه
البارحه يوم الخلايق نياما=بيحت من كثر البكا كل مكنون
قمت اتوجد وانثر الما على ما=من موق عيني دمعها كان مكنون
ولي ونة من سمعها ما يلاما=كني صويب بين الاضلاع مطعون
والا كما ونة كثير السلاما=خلوه ربعه للمعادين مديون
في ساعة قل الرجا والمحاما=فيما يطالع يومهم عنه يقفون
والاكما ونة راعبية حماما=غاد ذكرها والقوانيص يرمون
تسمع لها بين الجرايد حوما=من نوحها تدعي المواليف يبكون
والا خلوج سايبه للهياما=على حوار ضايع في ضحى الكون
والا حوار نشقوله شماما=وهي تطالع يوم جروه بعيون
يردون مثله والظوامي سياما=ترزموا معها وقاموا يحنون
والا رضيع جرعوه الفطاما=توفت امه قبل اربعينه يتمون
عليك يا شارب لكاس الحماما=صرف بتقدير من الله ماذون
جاه القضا من بعد شهر الصياما=صافي الجبين بتالي العيد مدفون
كسوه من بيض الخرق ثوب خاما=وقاموا عليه من الترايب يهلون
راحوا بها حروة صلاة الاماما=عند الدفن قاموا لها الله يدعون
برضاه والجنه وحسن الختاما=ودموع عيني فوق خدي يهلون
حطوه في قبر غطاه الهداما=في مهمه من عرب الامات مسكون
يا حفرة يسقي ثراك الغماما=مزن من الرحمه عليها يصبون
جعل البختري والنفل والخزاما=تنبت على قبر به العذب مدفون
مرحوم ياللي ما مشى بالملاما=جيران بيته راح ما منه يشكون
ياوسع عذري وان هجرت المناما=ورافقت من عقب العقل كل مجنون
اخذت اناوياه عشرة اعواما=مع مثلهن في كيف مالها لون
والله كنه يا عرب صرف عاما=يا عونة الله صرف الايام وشلون
واكبر همومي من بزور يتاما=وان شفتهم قدام وجهي يصيحون
وان قلت لا تبكون قالوا علاما=نبكي ويبكي مثلنا كل محزون
لا قلت وش تبكون قالوا يتاما=قلت اليتيم انا وانتم تسجون
قمت اتشكا عند ربع نداما=جوني على فرقى خليلي يعزون
قالوا تزوج وانس لاما بلاما=ترى العذارى عن بعضهم يسلون
قلت انها لي وفقت بالولاما=ولو جمعتهم نصفهن ما يسدون
ما ظنتي تلقون مثله حراما=ايضا ولا فيهن على السر مامون
واخاف انا من غاديات الذماما=اللي على ضيم الدهرما يتاقون
او خبلة ما عقلها بالتماما=تضحك وهي تلدغ على الجرح بالهون
توذي عيالي بالنهر والكلاما=وانا تجرعني من المر بصحون
والله لولا هالصغار اليتاما=وخايف عليهم من الدجه يضيعون
لقول كل البيض عقبه حراما=واصبر كما يصبر على الحبس مسجون
عليه مني كل يوم سلاما=عدة حجيج البيت واللي يطوفون
وصلوا على سيد جميع الاناما=على النبي ياللي حضرتوا تصلون
العرض الشجري
