وحياكم الله وبياكم معانا
بخاطري اليوم اتحجى لكم عن مفهوم كلمة النرجسية
واللي هي الحب المفرط للذات
وهي أيضا صورة كريهة للأنانية
وكلمة " النرجسية " تعود الى اسطورة يونانية قديمة لشاب باهر الجمال
اسمه " نارسياس " واللي كان معجب بنفسه لحد المرض
هذا الشاب من كثر ما كان مغرور بنفسه
كان يقضي طول يومه وهو قاعد على بحيرة صغيرة يتأمل بجماله
لا وفوق هذا كان يعاير البنات لانه كان احلى منهم
خخخخخخخخخ
بس هذا صج ترى
ليمن راحت الأيام وغرق هالشاب في نفس هالبحيرة
وبنفس المكان اللي غرق فيه نبتت زهرة جميلة
سميت باسم زهرة النرجس تخليدا لذكرى " نارسياس " اللي نتحجى عنه
طبعا النرجسية والانانية هي اهم سبب لاختلال العلاقات الانسانية
وهي اللي تؤدي الى تحطيمها
لان العلاقة دائما المفروض تكون مبينة على الحب والعطف والاحترام
لذلك لحد يتريا الخير من الشخص الاناني
لانه يبي يرضي نفسه فقط حتى لو على حساب غيره
اما سبب النرجسية والعشق الزائد للذات
فهي سوء التربية والتدليل الزايد
فيتخيل الطفل ان هالوجود كله عشانه
وانه وحيد زمانه
ويثبت خياله على ذاته ويعشقها ويقدسها
امممممممم اللي يحب يقرا اكثر حول هالموضوع
Google خل يرجع لمحرك البحث
وبيقرا مقالات رائعة عن هذا الموضوع
...................اجووووووووووفكم على خير
اي صج نسيت اقولكم ترى المتكبر ما يشم ريحة الجنة
مع السلامة
منقووووووووووووووووول
العرض الشجري
