هل نتحكم نحن بالعباية أم هي التي تتحكم بنا؟ بليــــــــــز .. موضوع للمناقشة.
فيه بنات أو حريم يلبسون العباية عشان تستر مفاتنهم. الله لا يحرمهم من الأجر.
و للآخرة خير و أبقى.
و فيه اللي يلبسونها عشان تظهر مفاتنهم .... و شي مؤكد إن هالشي ما يجوز.
و طبعا أكيد معروووووف وش معنى إنها تظهر المفاتن
أوكي
نبدأ بالموضوع الحين
البنت أو المرأة ليه تتبرج خارج بيتها؟ أكيد عشان تلفت الانتباه.
المشكلة إنها بالفعل هي محصلة اللي تبيه
وش رأيكم بالعباية المخصرة و الطرحة الشفافة الخ؟؟؟
وش رأيكم باللي تلبس هذا النوع؟
أنا فعلا ودي أعرف وش وجهة نظركم ؟؟؟
لأني أشوف المتبرجات فعلا لافتين انتباه الناس ؟؟؟
أقصد إنهم ملاقيين تشجيع من البعض. رغم إن هالبعض لو تسأله عن رأيه بالتبرج يقول لك غلط و مستحيل أرضى لأهلي.
طيب ... الله يجزاه خير على رأيه ... لكن ليه يشجع على شي هو مو مقتنع فيه؟!!!! ليه التناقض؟!!!
و حتى بعض أصحاب المحلات **البعض** يهتمون في المتبرجة من الزباين على حساب الباقي.
موقف على سبيل المثال:
كنا مرة أنا و أختي في محل ملابس.... دخلت وحدة و حتى أذكر إنها جاوية أو بخارية من شكل عيونها ... كاشفتهم و حاطة عليهم زينة و مكلفة نفسها مرة
و حتى طريقتهم معه في الكلام غريبة
و شكلهم يقول إنهم كبار و متزوجات و الله أعلم.
طبعا الرجال ما يحتاج أوصف
و الله طنشنا أنا و أختي و حتى إذا سألناه عن السعر الرد ما يرده
صار المسيكين في عالم آخر
و البيع في وادي و هو في وادي
تركنا له المحل باللي فيه و طلعنا باحترامنا
إذا باقي فيه احترام
الله يهديه و يهدينا و سائر المسلمين و يثبتنا على دينه.
الحجاب و العفة فخر و عزة للمؤمنة في الدنيا و نعيم دائم في الآخرة
ما فائدة العباية الضيقة مثلا أو ما فائدة التبرج؟
ماذا يفعل أهاليهن؟ أين هم؟ مادورهم؟
هل يساعد بعض الشباب هؤلاء المتبرجات على المعصية بطريقة أو بأخرى؟
العرض الشجري
