هـو تأخـر ؟ ولاّ انا .. دايـم عجــول
جيـت في ليــل الوعــد .. من أوله
ليــلة الموعد .. تحمّـلت الحـمـول
آه من ليـــل الوعــــد .. يامطــوله
من غياب الشمس وعيون العذول
لين صـار الليــل .. كحـل المكحـله
كان عقرب ساعتي .. عقرب كسول
تسبـقه .. كل العقـارب .. ما اكْـسـله
مرّت الساعة سنة .. واربع فصـول
ومرّت فصـول السنــة .. بالأسئــله
هـو تأخـر ؟ ولاّ انا .. دايـم عجــول
جيـت في ليــل الوعــد .. من أوله
وعين تسألني .. متى وقت الوصـول
وعين تحسب هالثــواني .. في وله
ورحت افكر وش بسوّي وش بقول
كيف اسلّم وابتـدي .. كيـف أسـأله
أسئله .. في خـاطـري .. دايم تجول
بســأله .. عـن كلّ شي كنت اجـهـله
عن مطـر وصله .. وأوقـات الهطول
عـن مـواعيـــــد ٍ .. كـثـير مْأجــله
عن غيــابه .. وانتظــاره .. والذبول
عن حضــوره .. والليـــالي المقبـله
وان سألني كيـف حـالي .. مابقـول
بتركــه .. ويْـشــوف شي ٍ يذهــله
وبين فكره واختـها .. عدّيت حول
ألـف شكوى .. بالعـتــــاب مـبــلله
هـو تأخـر ؟ ولاّ انا .. دايـم عجــول
جيـت في ليــل الوعــد .. من أوله
العرض الشجري
