أمسي وحيدٍ ولا به من يسليني= وأصبح كما امسيت في حزنٍ وأوهامي
تنفس الصبح عن غيمٍ به يبـيني= وقطرات غيث تـناجي جرحي الدامي
وجوٍ لطيفٍ بنسماته يداويني= وريح المطر جاب ذكرى سنين قدامي
أحس كن الزمن طيفه يناديني= ويقول يكفي عذاب القـلب والامي
راح العمر في رجا يومٍ لك يزيني=أو لحظةٍ تسعد ك مع طول الايامي
صحيح ذقت السعادة بماضي سنيني= بس المعاليق باقصى جوفي حيامي
ودي بـحـب عـن الـعـالـم يـود يـني= فـي ديـرة مـا بـها حـاسد ونـمامي
مع واحـدٍ يهتوي قربي وشاريـني= وحبي يشيله على صدره له وسامي
وأشرب من بحور حبه لين يرويني= حتى تطيب الجروح اللي من أعوامي
يا ويـن بـلقى حبـيبٍ لي ينسيني= ويعوض قـلبٍ عـليل من الوفاء شـامي
لاصار خلي نسى العشرة وجافيني= و حكم علي بالسجن والحب إعدامي
يـقـول لي مامضى من الحب يكفيني= قطار عمرك مضى و دروبه عتامي
لاوحسا فه على اللي بينك وبـيني= عشرة عمر حقها تـنداس با قـدامي
أخترت حبك بعقـل وعشقـتك عيني= وحطيت لك وسط قلبي موقعٍ سامي
وش فيك مااسمع صدى صوتك يناديني= ولا يوم حسيت قلبك فيه إلهامي
قاسي معي بالكلام وطبعك الليني= باذني سمعتـك بصوت حب وهيـامي
تعرف كلام الغرام وزاهـد فـيني= ولا لـغيري فـعـذب الـقـول أنـغـامي
ياليت قـلبي عـن الماضي ينـحيني= ويـدفـن بـقـايا جـروحٍ هزت عظامي
خلا ص ما عاد بـه حب يـواسيني= مات الغلا ويا حسافة ماتت أحلامي
يضيق صدري وقول الشعر يشفيني= ولا تراني على بحر الهوى ظامي
العرض الشجري
