اخواني واخواتي في منتدى الود سواء من مشرفين او من كتاب او من قراء او من مسؤولين اول شيء السلام عليكم ورحمة الله وبركاته.....
وبعد السلام راح اجيكم من الاخر وما بتعبكم انا قد قلت لبعضكم سابقا عن مرضي والصداع اللي براسي لكن لي فترة قصيرة وانا اعاني منه اكثر من السابق وراجعت المستشفى وياليتني ما راجعت لاني اكتشفت ان عندي سرطان بالتجويف الخارجي لجدار المخ.......
اخواني لاتزعلون انا وهو انا صاحب الشان مازعلت بس حبيت اقولكم هالشيء مو عشان ازعلكم لا والله بس كي استسمح من كل من اخطات بحقه صغيرا او كبيرا وصدقوني انني عشت معكم حياةممتعة ولكن هذا نصيبي......
فياليت تسامحوني
انا كتبت هالكلام قبل لا اسافر لألمانيا الاسبوع القادم وما ادري اعيش والا اموت ولكن كل شيء قضاء وقدر ونصيب وممكن عمري اطول من اعماركم بس الواحد اذا جاته علامة الموت لابد يستسمح من هله وربعه وصدقوني انتم اول ناس بعد هلي......
والله العظيم ما كان بودي اكتب هالخبر بس كنت لابد استسمح منكم.... فياليت ماتخيبون ظني وتسامحوني على زلاتي وخصوصا اخوي الهدار واختي مملكة الليل واختي وليان ومرام واخوي العزيز والاكثر من عزيز الورور واخوه اللي للاسف ماتشرفت بمعرفته لانه دخل وانا غبت.....
اخوكم تركي الناصري
ادعوووووووووووووووووولي
وياليت من المشرف مايمسح الموضوع لان هالشيء امانه واسف جدا جدا جدا على كل مابدر مني من زله او غيرها والله العظيم اول مرة احس اني ابي اكتب لين اتاكد انكم سامحتوني لكن ما اعتقد ان التعبير راح يوفيني حقكم....
العرض الشجري
