قصه حياه العمده مع الصور ( اخراج وتأليف الفارس ) ----> لا تفوتكم بتموتون ضحك

[الفـــــارس]

السلام عليكم

اولا:
تراها اول قصه اسويها في حياتي، يعني جاملوني واقروها للنهايه وانا اعرف انكم بتموتون ضحك ، ادري انها طويله بس لازم نعطي العمده حقه )

ثانيا:
اذا اعجبتكم ترى اخليها اسبوعيا ، يعني اختار عضو من الاعضاء واسوي له قصه

يالله مع احداث القصه

احم احم

ما ادري كيف ابدأ بس يالله باكتب وانا مغمض
هههههههههه

صراحه امس مرت عليه فتره طفش عجيبه ، وعشان اشيل الطفش هذا قاعد افكر في مواضيع احطها للمنتدى.

ما هي الا لحظات والا العمده ناقز علي في الماسنجر( مع انه دب وكل جسمه شحم بس من الحب ما قتل ) ، وسواليف وما ادري ايش وقعدت اسأله اسئله خاصه .............. ( اسرار شباب).

بعد ما طلع من عندي الا وتجيني فكره جهنميه

الفكره انه اكتب موضوع كامل عن قصه حياه العمده الاجباري

فالله الحين بابدأ

العمده الاجباري

انسان معروف في المنتدى ، جهوده واضحه ، واكثر شئ واضح له هو تحذيفه لقصصي اللي الطشها واجيبها.

البطاقه الشخصيه:

الاسم: عماد
العمر : ................. ( ما سمحلي ايش اسويله)
المهنه: بزنس مان ( الحين سلتوح )
رقم الحفيظه: 8665574657
رقم الجوال: 999 ويقول اتصلوا في الليل يكون احسن عشان اهله لا ينتبهون

[gl]نبدأ القــــــــــــــــصه[/gl]

ايـــــــــــــــــام الطفوله

عاش العمده في كنف ابوه المنفلوطي وامه رقيه
من عجايب العمده انه انولد بالمقلوب ( يا حليله من صغرته خايف من العالم الخارجي )
ابوه كان يغار منه لان العمده انولد وعنده شنب وكان اكثف من حق ابوه .
كان العمده من صغرته بيبي حبوب ( بالعربي مضحكه )، ما يفهم شئ، اكبر غلط سواه في حياته من صغرته انه حرق بيتهم ( يا عيني بس هذا اللي سواه ).
مرت السنوات سريعه على العمده ، والعمده في النمو بس عقله كان يسبقه في النمو.اشترك في معاهد علميه كثيره ايام المبزره واخذ جوائز عديده . ولقب في الابتدائيه بـ ( عبقرينو الدب ).
لكن اللي كان يعرف العمده عن قرب كان يعرف مصايب هذا الانسان الداهيه، كان العمده يهرب من البيت ليلا يسرق حمام الجيران، يلاحق القطاوه ، يفقع كفر سياكل اولاد الجيران ( الغيره تشتغل )

هذي صورته وهو عمره 6 اشهر
لعنبو ابليسك مو راس هذا
والله مخزن معلومات وهو صغير

ايـــــــــــــــــــام المراهقه

العمده كبر وفخوذه كبرت معه ( دبدوب الله يعين )، كان اللي في المدرسه يستهبلون عليه ويسمونه ( الدب الهاجد ). العمده كان يمر بين الطلاب وهم شغالين حش وكلام فيه.
العمده ولع وراح عند واحد من اصحابه يسمونه ( عقله الاصبع ) وقاله انا لازم افتك من شرهم، لازم اسوي شئ يرضيهم.
سمعه طالب داشر واعطاه خطه يثبت مقدرته للعالم، اليوم الثاني الا العمده ماسكينه الشرطه ومودينه الحجز ، العمده جريمته انه كتب على جدران المدرسه ( تسقط السعوديه ). مسكين على نياته كتب السعوديه وهو يقصد السعوده .
بالعربي، حياته ايام المراهقه ما تختلف عن ايام الطفوله، نفسه العمده المضحكه، بس الفرق انه كان يطفي حرته في اخته الصغيره اللي كان عمرها 6 سنوات، بس المسكين كان يروح المدرسه وفي عضه في خشمه.
بس كان ملاحظ على العمده مع صغر سنه الى انه كان طموح وكان له هدف في الحياه . بس كان كتوم ولا يعلم احد باسراره ( العقده النفسيه لها دور ) .

ما لقيتله الا هذي الصوره الاسود والابيض
بس مثل ما تشوفون كان دفره وفلته في الدراسه
بس لا تركزون في عيونه تلقون انه وراها بلاوي

ايــــــــــــــــام الثانويه

في الثانويه ، العمده خربها. صار يمشي مع رفقاء السوء ويسوي جميع البلاوي اللي تخطر في بالك.
بدأ العمده بالتدخين، وكان العمده اول انسان اخترع التدخين من الخشم ( الله اعلم كيف اسالوه لا تسالوني ).
كون العمده له شله في الثانويه اسماها ( شله المعوقين ) . هذي الشله عليها طلعات غريبه وغبيه في نفس الوقت. مره من المرات اتفقوا انهم يهربون من المدرسه. تدرون كيف انكشفوا؟ انا اقلكم . اخونا في الله العمده ولانه دب وسمين مثل البطيخه يوم جاء يبغى ينط من فوق السور تعلق سرواله بطرف السور. يحمد ربه العمده انه كانت سراويله تفصيل ومن الخام القوي والا طلعت بلاوي ( ليه تتفرجون فيا انا اقلكم اللي صار ).
العمده كان من الاوائل الذين شهدوا ظاهره الترقيم (اويلاه يالكبير يا جدوووو ). كان العمده متخصص في الترقيم، بس كان متخصص في ترقيم الخدامات السيلانيات ( يا عمده اذا تبغى واسطه ترى العنيده عندها معارف ).
مرت سنوات الثانويه على العمده وهو لسى في دشارته وغباوته الى ان جاء اليوم اللي غير مجرى حياته.
كان العمده متخبي ورى زباله الجيران، كان ينتظر خدامتهم تطلع ترمي الزباله عشان يشبكها ( يا هووو يا خطط يا عمده).
المهم، انفتح الباب حق الجيران وتطلع منه بنت تقول للقمر وخر جاء دوري اخذ مكانك انت عجزت. العمده دوروله، ما يدري ايش يسوي او يقول.
رجع العمده للبيت وقلبه يقول ( درقم درقم درقم ، يا عيني الدبدوب يحب ).بنت الجيران كانت حبه الاول ( اخيرا غير من الخدامات ). العمده كان يبغى يعلم البنت انه يحبها بس ما يدري كيف. شويه الا تخطر في باله فكره وهو انه يرسل رساله مع اخته القشرا للبنت. المصيبه اخته القشرا ومن نذالتها من صغرتها راحت اعطت الرساله ام البنت ( لا ويبغى يزوجني اخته ، معاذ الله اعنس ولا اتزوجها ). رجع الرد للعمده من ام البنت بان المشاعر متبداله. العمده انفجع لما قرى الاسم وانه ام البنت.
هذاك الاسبوع ما طلع العمده من البيت من الخرعه ( امها انتصار الشراح على غفله ). العمده قال مافي الا انتظر عند الزباله كالعاده واصارحها . طلعت البنت والعمده وخدوده اللي تقول طماطم بس تهتز مع الرياح ( يمين........ يسار ........ يمين ، هذي خدوده من كبرها ما توقف لازم تتحرك ). البنت صارحته وقالت انها تبادله نفس المشاعر بس بشرط انه يحسن وضعه ( يعني بطل دشره وانتبه لدراستك يالصايع ).
العمده بعدها ما صار يطلع من البيت . عيونه احولت من كثر ما يقرى .
نجح العمده من الثانويه بنسبه 99.9 % ( 1.% ضاعت في الزحمه )
راح يبشر حبيبته. بس كان في صدمه قدامه وهي انه حبيبته انخطبت .
العمده بعدها ما صار يطلع وقال بيشغل فكره بهدفه اللي كان يحلم فيه ( اللي بعد تعب مني وجهد عرفته ) وهو انه يكون المتتحدث الرسمي للسعوديه ( كوفي عنان على غفله ).

لعنبو ابليسك يالدب الداشر
واله اللي يشوفك في الصوره يقول غبي وما يقدر يسوي شئ
بس كل هذا يطلع منك
لا وباقي تحب
انا غاسل يدي منك من اول

ايـــــــــــــام الجامعه

انقبل العمده في الجامعه، وانتقل من عند اهله الى شقه مع اصحابه اسماها ( شقه الحريه ).
حياته في الجامعه كانت عاديه .
دراسه .................. جامعه .................. شقه ...................... دراسه
هذي كانت حياته
اذا تبغون تعرفون اكثر عن هذي الشقه اضغط هنا


اضغط هنا يا مال العافيه وشوف



المهم، العمده كان ينقهر من اصحابه لانه كل واحد منهم كان عنده خويات وهو مسكين وحداني ولا وحده اعطته وجه ( من حقها من حلاه الوجه ).
مرت سنوات الجامعه بسرعه ، والعمده كان يتنقل من احباط لاحباط ، مصيبه ورى مصيبه.
وفي اخر سنه، بدى اصحاب العمده في اعدادات الزواج وما الى ذالك ( يا ناس باتشقق اذا اتكلمت بالفصحى ).
والعمده ينتظر نصيبه يقول منهي بنت الحلال اللي بتجي وتخطبني ( فقد الامل انه يروح يخطب بنفسه ويوافقون )، بس بيني وبينك ، صراحه وجه العمده الشيطان ابو قرون واللي لونه احمر ( مثل افلام الكرتون ) يتحمد ربه على العافيه.
بس في اخر سنه دراسيه قرر العمده انه ما يتزوج ابد ( والله مو منك من الاحباطات ).


هذي صورته وهو في الجامعه
اسمحولي بس من جد مع البنات حق في الشرده منه
جدوووووو سرحان
الله يرحم والديك تغطى اذا بتطلع علينا مررره ثانيه
الناس بيحسدونك على جمالك

ايــــــــــــــام ما بعد التخرج

العمده ما لقى مكان او محل يقبله ( الاحباطات كان لها دور انها تخفض مستواه في الجامعه ).
بعدها بدأ العمده في انه يشتغل في التجاره الحره ( بزنس مان على غفله ).
شد حيله العمده في مجال التجاره، ونجح بكل المقاييس
بس كان حزين لانه ما لقى اي انسان يشاركه فرحته ( يلمح يبغى يتزوج )
مره من المرات كان العمده مسافر للخارج للعمل . شويه ويمر قدامه صاروووووووووخ ارض جوي ( يعني بنت حلوه للي ما يفهم :)
المهم، اخونا في الله ضاع في الطوشه. استخدم خبثه في الثانويه وعرف عنها كل شئ
عرف انها من السعوديه والمفاجأه انها عايشه في المدينه ( يعني قريبه منه )
الرجال حبها ويبغى يتقدملها
قال في نفسه (( مالك امل يالعمده توافق عليك انت ووجهك اللي يتحلمون فيه الصغار من قوه العفن اللي فيه )
شويه وتخطر على باله فكره خطيره
قال مالها الا عمليه تجميل
راح اخونا في الله ومن مستشفى لمستشفى الى ان لقى المستشفى المطلوب وسوى عمليه التجميل

تبغون تشوفون شكله الجديد
( بس بشرط بدون ضحك )

[c]

[/c]

[c]7[/c]
[c]7[/c]
[c]7[/c]
[c]7[/c]
[c]7[/c]
[c]7[/c]
[c]7[/c]
[c]7[/c]
[c]7[/c]
[c]7[/c]
[c]7[/c]
[c]7[/c]

[c]

[/c]


اويلاه يا توم كروز
ايش الجمال هذا كله

وراح جدوووووو سرحان ( العمده ) وخطب البنت
وهذي صورتهم في شهر العسل

[c]

[/c]

اويلاه يا خطيبه العمده
اذوووووووووووب انا
اتشقق يا انا
اطيح عندك يا انا
اصير كشنه

بس يا عمده خلها تتغطى عشان لا نعطيكم عين
خخخخخخخخخ


وحاليا

العمده في منتدى الود
وقاعد يتقوى علينا وذالك بسبب طفولته الصعبه


مع تحيات

الفارس

[الــــدانــــه]

يا حرااااااااااااااااااام كل هذا يصير في العمده

والله شوي واصيح لمن اخته اعطت الرساله ام البنت

بصراحه عملية التجميل جابت نتيجه ههههههههههههه صار

هو احلى من زوجته (المفروض يتغطى هو مو هي)خخخخخخخخ

ابداااااااااااع يا الفارس وياليت تكون اسبوعيا <<<<<<< ما تنعطى وجه

تحيااااااااااااتي.

[][بطه][]

بسم الله الرحمن الرحيم


بصراحه انا او علقت رحت فيها بس اسمحولي اضحك
ههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه


ترى والله مو شماته بس الموضوع غايه في الجمال ، الاستاذ العمده ( عشانه مشرف منتدى يروى ان وهي تكتب )
مذكراتك رائعه بصراحه قطعت قلبي ، بالمأسي وخليتني قريب تنقط عيني
بس والله انك معاصر ومجاهد
بس شفت ربي ما يضيع انسان

اما انت يالفارس الله يكفينا شرك ، ههههههههههه بصراحه موضوع حلو ومميز
بس يرحم الي يطب في يدك هههههههههه

يالله بالتوفيق انشاء الله ، ودائما تكون من الأعلين في الدنيا والأخره


يالله بااااااااااي بطه اللذيذه
:D :D :D :D :D

[عازفة الاحزان]

هههههههههههههههههههههههههه
ههههههههههههههههههه
هههههههههههه
هههههههه


ماشالله عليك يالفارس والله روووعه


يا فرحتك يا عمده مره وحده اصبحت توم كروز:D :D

[العمدة الإجباري]

منقوووووووووووووووول

يا مجنونة،،، بالله الموضوع مكرر ويبغاله حذف.

يكشف بحالك يا فرسون،،، ناقل قصة حياتي بالمللي؟؟؟؟

أمي اللي هي أمي ما تعرف عني أكثر من اللي كتبته.

يا حبي لي وانا عمري ست شهور،،، أجنن مو كده؟؟

كمان يا فرسون صورتي أيام الجامعة سر من أسرار حياتي،،، وربنا أمر بالستر،،، لأنها كانت تمثل بالنسبة لي أزمة نفسية رهيبة،،، تخيل إنك لك نفس الوجه،،، وكل يوم تبغى تغسل وجهك وتناظر في المراية،،، بالله ما هي معاناة ؟؟.

وشي ثاني،،، أنا فسخت خطوبتي من نيكول كيدمان،،، لإني إكتشفت إنها ما تحب الشعر النبطي،،، وإكتشفت إنها متعلمة إنجليزي في مدرسة دار الحنان،،، تتكلم إنجليزي من اليمين للشمال،،، وفيه 13 حرف ضايعين منها.

بس الخطيبة الحالية ست ستها،، وتسوى طوايف كيدمان.


بس يا فرسون،، الشرهة مو عليك،،، أول ما كنت تقدر تستجري وتفتح بوزك قدام العمدة،،، لكن أول ما صرت مشرف،،، وقبل ما تكمل 24 ساعة،،، طلعلك ريش،،، على قولة المثل المديني ( اللي علمته الشحاتة،،، أبتدا بي ودق بابي ،، وفرج الجيران عليا).

أويلاه يا دنيا
أنا لي رجعة مرة ثانية للموضوع.

[آخرة العنقود]

حلووووه يالفارس....سير ونحنو من وراك ...اقولك شكراً على المعلومات اللى زوتنا
فيها عن العمده لاني اخذت فتره اجمع معلومات عنه

واقول لعمدتنا...ماشاء الله عليك على هاالجمال اللى خليني اكتب فيك شعر

يعطيكم العافيه ياعمدتنا عسى ما كنت تجاوزت حدودي

[الفـــــارس]

مشكوره يالدانه على مشاركتك
وانا من جد لو اني بنت كنت ما خليت العمده في حاله
لعنبو ابوه حلوووو

اما انتي يا بطه
فوالله وجود اسمك في موضزوعي يكفيني
ترى انا ماني ناقص ادفع ديه
اضحكي شوي شوي
خذي نفس عميق ااااااااااااااااااااااااا ايوه تعجبيني
مشكوره عيوني على تواصلك المستمر

اما يا مجنونتنا فمشكوره على التواصل
والله لا يحرمنا من تعليقاتك الحلوه

انت يالعمده
بارجعلك يبيلك صفحه كامله

اخره العنقود
هلا فيكي ونورتي الموضوع
لا تخافين امزحي مع العمده تراه ما يقول شئ
خخخخخخ
مشكوره على التواصل


مع تحيات

الفارس

[ميــ قمر14ــشو]

هههههههههههههههههههههههاااااااااااااااااااااي

الله يرجك والله وطلعت فضايحه ذا الدب :D



بس تدري قهرتني النهاية مالها داعي تكون سعيدة كان ودي انك مخليه شين ومحبط <<<نذل



حلوة يالفارس ووالله انك مبدع
يو ار نمبر ون مان



وصحيح انا اايد فكرة انك تخليها اسبوعية لانه موضوع حلو وروعة



مع تحياتي :

اخوكم مشمش ,,,

[hammam]

hahahahahahahahahahahaahahahhahahaha

la meen ged 7eloah

wa kaman etzawag NICOL KIDMAN
wallah meen gad 7athoo 7elo

mashkoor ya el fares

[الفـــــارس]

مشكوره حبيبي مشمش على مشاركتك

والله انك صادق يا شيخ

لو اني حطيتها نهايه محزنه كان احسن
خخخخخخخ

مشكوره على تواصلك عيوني


اما انت يا همام
انا يكفيني وجودك معنا
الله لا يحرمنا منك ومن تواصلك معي

وانت يالعمده لي رجعه معك


مع تحيات

الفارس