وقررت أن لا أكون ملقوفه :(

شمـ الجلاس ــعة · 18-01-2005, 07:19 AM

من بعد اذن المشرفين اتمنى القراءة للاخير

بسم الله الرحمن الرحيم

نصيحة للي فيهم لقافة

انهم يخلون العادة هذي

او انهم يستخدمون علاج اسمة

طنش تعش لكي تنتعش

تحذير هذه القصة غير ملائمة لمن هم دون السبعين سنة

-----------------------------------

حدثت معي عذه القصة في أيام العيد عام 1370هـ

حيث أنني خرجت في ذلك الوقت الى الجيران لكي أعيدهم وأبارك لهم بالعيد
وكنت أطرق كل باب وأعايد الأحباب

فكم كان الشعور جميلا والجيران والأحباب يتواصلون

وكان في طرف القرية التى نقطنها بيت مهجور لا نشاهد حوله الا أسراب الغربان و والفئران وكان شكل هذا المنزل مخيف ومخيف جدا

وحيث أن نسبة اللقافة في دمي تجاوزت كل الحدود أحببت أن أكتشف حول هذا البيت خصوصا أنني شممت رائحة تتن وتوقعت أن بزران الحارة أتخذو البيت وكرا لهم

وعندما كنت أدور حول البيت وكان الهواء ساكن (( والا مستاجر)) ؟

شاهدت أحدى النوافذ مفتوحة تقريبا فجاء في بالي أن أطل معها وأشاهد ما بداخل هذا المنزل

وعندما دفعت النافذة كانت تحدث صريرا أزأززززززززز

وفجاءة حدث مالم يكن في الحسبان

سحبتني يد سوداء كلها شعر وفيها ساعة كاسيو وأدخلتني وسط المنزل ورمت بي على أريكة بالية في الصالة

وبعدها بقليل سمعت أصوات تخرع القلب تتجه نحوي ببطء

وظهر في خشتي خشة من أروع ما رايت من الخشش

فقلت له بسرعة : من أنت ؟؟

فقال لي : من أنت أنت ؟؟

فقلت له :أنا فتفوت

فقال لي : جعلك تموت
وش تبي يومك تطلطل مع الدرايش ؟؟

قلت له : أنا قارىء عدادات تبع شركة الكهرب

قال : لا يا شيخه كهرب في عام 1370

وجلست أرجف عنده وصرت كني تنكة مجدوعة في غسالة

قال لي شوفي ما راح أسوي لك شي لا تخافين راح نسجنك عندنا أسبوع
ونسالك كل يوم سؤال وأن كانت الأجابة صح عليك نعطيك وردة حمراء في صحن وأن كانت الأجابة غلط نعطيك تفاحة معروم نصفها ومالك بعد طرح السؤال الا عشر ثواني تجاوبين يعني لازم تكونين سريعه البديهه علشان تعيشين

وشالني وجدعني في سجنهم مع الجراذي والفيران وجمجمة في الربعة طالع من عينها دوده تناضرني بلعانه
المهم جاني صوت يقول أستعدي السؤال الأول

السؤال الاول
وش الشي اللي يضحكك ويبكيك ؟؟

قلت بسرعة بطاقة احوال للفتاة السعودية

الا وشوي ويجيني صحن فيه وردة وأنا اللي أبلع ريقي ثم قالو أنتظري السؤال الثاني بكره

ويوم طلعت شمس اليوم الثاني الا وأسمع هاك الصوت يقول أستعدي لسؤال الثاني
وأنا اللي تطقني النفاضة

السوال الثاني
وش الشي اللي الناس تحتاجه ولا تحبه ؟؟؟

قلت بسرعة شركة الاتصالات

الا ويجيني صحن فيه وردة
وأنا اللي أنبسط شوي

في اليوم الثالث تأخر اللي يسأل ما سئلني الا العصر قلت خير أن شاء الله عسى ما شر

قال كلي تبن وأستعدي السؤال الثالث
((حسيت بعدها أنه متهاوش مع زوجته عفريته))

وشوي السوال الثالث
وش الشي اللي أنتظرته بشوق ويوم جاء قلت ليته ما جاء؟؟
قلت بسرعة القناة الرياضية

الا وتجيني الوردة في صحن وأنا اللي أقول في نفسي الحمد لله هانت باقي أربعة أسئلة

وفي اليوم الرابع جاني صوت يقول أستعدي لسؤال

السؤال الرابع
وش أغلى رخيص ؟؟

قلت بسرعة بيبيتو
الا وتجيني الوردة في صحن

في اليوم الخامس طلب مني الأستعداد لسؤال وأستعديت

السؤال الخامس
خوافة نصابة تحب الشر وتشعل الفتيل ؟؟؟

قلت قناة الجزيرة

الا ويعطوني هاك الوردة الحمراء وش كبرها

في سادس يوم قبل الأخير جاني هالسؤال :

السؤال السادس
ما صل ماحد يحبه وودك تدبه ؟؟؟

قلت يوري مرقدي

الا ويعطوني وردتين في صحن حمص
(( شكل صحونهم خلصت ))

في اليوم السابع والأخير وأنا أنتظره بفارغ الصبر الا ويجيني الطلب بالأستعداد لسؤال الأخير

السؤال السابع
ملعون ودك تاطاه بصالون

قلت بسرعة شارون

وأنتظر الصحن يجي ما جاء أبطا عليه وأنا اللي أبولع ريقي من الخوف

الا ويجيني الصحن فيه سكين وأن اللي أحط يدي على رقبتي وأصيح في الربعة حررررررررررررررام عليكم

الا ويدخل العفريت وهو يضحك ويقول
صادوووووه صادوه

وأنا أقول له أخس يالصيرفي

الا وشوي تخمني اليد أم ساعة كاسيو اللي كلها شعر وتجدعني بخارج البيت

وأنا اللي أتنفس الصعداء وأعض طرف فستاني وأقول في نفسي

((جعل بزران الحارة كلهم يدخنون بس أسلم من هالعفاريت ))

(( ومن يومها قررت الا أكون ملقوفه ))

لقيته في ايميلي وسحبته لكم

تفوق^الوصف · 18-01-2005, 07:44 AM

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههه

اذا كان كذا وبترك اللقافه

موب اتركها بس

الا اركها بالثلاث وارمي بعد وراها سبع حجرات

واه عمري غالي ,,شلو عفريت واعقل ,,,<<<<<يهددونا بالعفاريت ويسير مافي احلى منا ,,من زود الخوف والله

يسلمووووووو شمعه الجلاس

شيخه الود · 18-01-2005, 09:16 AM

هههههههههههههههههههههههههههههه

nada · 18-01-2005, 09:32 PM

هههههههههههههههههههههههههههههه

بس الصراحة قرار صعب و جريء <<< نهنيك

ريــ ReeM ـــم · 18-01-2005, 09:40 PM

هههههههههههههههههها111ي

انا الحمدالله

اوووووب ملقووووفه ابداً

بسم الله علي

امشي في حالي وعيوني في الارض واباري الساس

اللقافه يمين وانا يسار

<< وش دخل هالكلام الله يصلحني بس:)

يعطيك الف عافيه شمعة

๑۩ الرومنسي ۩๑ · 19-01-2005, 12:43 AM

هههههههههههههههههههههههههههههههههههههههههههههههههه ه

اما اللقاااااافه وصلت لكذا هههههههههههههههههههههههههههههه

اطلاقها بالثلاث هههههههههههه

مشكوره على الموضوع

انتظر جديدك

الرومنسي