وين بر الوالدين يوم أبوهم قد كبر *** اهملوه و سكنوه فغرفه كنها القبر
حطو الهندي عشانه يخدمه لين الظهر *** ويلهم من ربهم يوم ان كبر هذا جزاه
و بعد ما مر الزمان قالت الحرمه نريد *** نبعد الشيبه مع اعتاده من البيت الجديد
نسكنه دار العجازه ومن مكانه نستفيد *** ولي مرض يسعفونه وعندهم فطنه فدواه
و الفتى ناصح و عارف ما يزعل حرمته *** قال هذا أشيله و أنقله من غرفته
بسكن الوالد مع اصحابه بدل من وحدته *** كلهم من سن ابويه و كلهم عاشوا معاه
ما يظن ابفعلته هذي عصى رب البشر*** و ضيع حقوق الأبوه وفي حياته ماشكر
ولا سمع حتى النصيحه من صديقه لي حضر*** اتبع درب العناد و عارض الحكمه بغواه
عاش ذاك الشيخ من هم الليالي سنين*** ومن فعل ذاك الولد لي نسى الماضي السنين
قد رحل عن دار شينه ما بها شخص أمين *** قابل المعبود يشتكي له من ضناه
و الفتى يوم سمع موت الأبو أقبل يصيح*** يذرف ادموعه و يبكي ومن قبل كاين شحيح
بانت الرؤيا امامه واعترف انه جريح*** قال ضاع العمر كله و جرحي المسعف جفاه
كيف ما احفض حياته يوم أبويه كان حي*** كيف اسامح نفسي العوجا مدام اني خطي
كيف اكفر عن خطايه ارشدوني يا عربي*** ضاقت الدنيا عليه و العمر يقصر مداه
ما يفيد تنوح باقوالك مدام الفوت فات *** والدني يبقى دني لو تجمل بالصفات
خللك فحسره وصارع لجل تجميع الشتات*** واطلب المعبود ربك يغفر ذنوب العصاه
يا شباب الكم نصيحه من صديق مب عدو*** خلكم للوالدين اسراج لالا تنطفوا
شرعنا وصى عليهم و النصيحه تقتدوا *** بالنبي محمد نبينا علنا نحشر معاه
العرض العادي
