يــ ـ ـ ـ ـ ـ ـا شـ ـ ـ ـ ـ ـ ـ ــوووقــ ـ ـ ـ ـ /
ياشين بعدك يوم لا غبت عني =كني مريض(ن)داخ إلاجيت له فاق
إشفق عليّ وراعي لي كبر سني=ماليّ انا طوقه على بـُـعد وفراق
ياشوق لجله ساهر الليل أوني=كني كسيرالكف يابنت والساق
ذاك الخيال اللي يجي يمتحني=جابك وشب القلب يابنت بشواق
ياليل ياجامع على الود عشاق=قلبي على شوف الغلا ممتحني
ياشوق قلبي ليه انا حيل مشتاق=شوقه يزيد ودايم(ن) لك يحني
وش حيلة اللي قد تبلته الاشواق=يسهر طوال الليل فيك إمتعني
يذكر زمان(ن) فيه مزات الارياق=وقت ومضالي فيه كنت إمتهني
وقت(ن)مضى لي فيه جيات و وفاق=كل المشاعر كان جيتي يجنّي
ياقلب هوّن لا تشد المشاوير=للشوق خلّي حالِتِي مستكنّه
كم ليلة(ن) شديت من غير تفكير=تنشد طواري الفِكر لا جتك عنّه
الصاحب اللي مابدى منه تقصير=العيب جا في فرق سنك وسنّه
عشرين عام ودوّر الفِكر تدوير=واحسب حساب الشيب والعيب منّه
ياقلب هَد ولا تِسَابَق مع الطير=لاتشعل النيران من عقب جنّه
هذا الغلا والشوق مافيه تدبير=كم عاشق(ن)قد ظن واشقاه ظنّه
(ياشوق) ليت ايامي بالكيف بتسير=إن كان ارد العٌمر عشرين كِنّه
واشرب هواك إبكيف والحب تقدير=والكيف زان وزان (هيله)-(وبنّه)
والقول في نفسي وله كود تشفير=والنفس في جوف المحاني تِكِنّه
مدام لك وقت وقضيته مع الغير=وقفت فنّي دام قد عشت فنّه
والعود له رب ورضى بالمقادير=صابر ولا في يوم قد ون ونّه
اللي كتبه الله على الناس بيصير=هذا الحكي لاقلت عيده وثنّه
يادمعتي لاتفضحيني مع الناس=الستر واجب والحيا بالمصونه
تطلبين البُعد عني ؟. صرت انا الصورة القديمه؟=رحت في عِد السنين . ورحت في ذيك الليالي
ليه يابنت الحلال اليوم ما للقلب قيمه؟=ماحسبتي له حساب ولاعطيتيني مجالي
العرض العادي
