ان كان تطمح للعلا لا تقتدي باهل الطمان
خل النظر يم الثريا لا تلده للثرى
خلك مع اللي حاظرً وقت القسى مع الليان
يفدآه منهو لا زهمته راح بالخطوه ورى
لا صاح صايح ركب خيله دون سرج ولا عنان
يارد على سوق المنيه بين بيع ومشترى
ينطح طوآبير العدى مشهر لهم سيف اليمان
يوم الردي قفو بذوده فالضحى ولا درى
وللجار والخطار قلط ناهي الحيل السمان
هذآك فعله بالمراجل وآصلً قمة كرى
اتعب على مثله ترا ما يختلف طول الزمان
كب الردي اللي عيونه للخرابيط سهرى
يابري حالي من عنا الشوق برياه
ويا طي عمري كل ماشفت بيته
وياعزتيلي لا بغيته ولا القاه
ويا عل كبدي لا ذكرت وطريته
ظروف تجبرني ولا اكون وياه
اساير الدنيا لعل وياليته
ما كني الا اللي رجا شي ما جاه
والا مبشر في عزآ من رجيته
لا ضاق صدري اقصد الرجم وارقاه
واناطح الغربي ليامن رقيته
ابيه يجلي هم صدرً تمثناه
والا يخفف بالهوى ما عنيته
هذآك حالي من بعد يوم فرقاه
حالي تردى ليتني ما هويته
ممسي وطيف داخل القلب ممساه
واصبحت ادور له معي ما لقيته
اثره سرآ وانا اعرف ويش سرآه
يحسبني اني في بعادي نسيته
نذرً علي لو طول الوقت منساه
لو طال مدت غيبتي ما جفيته
والله يصبّر من زمانه تحداه
ويرد له غاليه ويزور بيته
سوره ضلوع الصدر والقلب مبناه
حوشه وساع الصدر والحب ليته
والله يسامحني ويغفر خطاياه
كانه يظن اني سليت ومحيته
العرض العادي
