السلام عليڪم ورحمة الله وبرڪاته
صباحڪم ومسائڪم كادي وجوري
موضوع مجدد واضافة اسئله من عندي
حبيت نشوف اجاباتكم ونستضيف اعضاء جدد مادخلوا الموضوع
وش اكثر شي تخاف منه وماتحبه ابدا ؟
تطلع/ين كثير في الاذاعة المدرسيه ؟
تبكي/ي كثير ولاعادي ؟
ترتيبك بين اخوانك ؟
نشيد كنت/ي تحبه / تحبينه أيام الطفوله ؟
شخصيه كرتونيه كنت/ي تحبه/تحبينها ؟
كيف كنت/ي ايام طفولتك شيطان/يه ولامؤدب/ه ؟
ماهي المواقف اللي عرضت فيها اهلك للاحراج؟
هل كنت شخص ذو شخصيه قويه أم مغلوب عليه ؟
اكبر عيديه جمعته/جمعتيه كم ؟؟ ومن مين ؟
يوم كنتي صغيره تسوين جدايل والا كاريه ؟<<للبنات بس
يوم كنت/ي طفل/ه تلع/بين بكمبيوتر العائله ؟؟
يوم كنتي تلبسين مريول المدرسه هل تحطين شباصات ميكي ماوس
وشرايط بيض ؟؟ << للبنات
من كـان يدلعك أكثر أبوك او أمك ؟
اســم دلعك بالطفوله لحد الان ينادونك به ؟ وماهو ؟
بطفولتك كنت/ي تبكي/ن إذا ماجلست/ي بالاول بالطابور اوالفصل ؟
عندك لعبه موجوده من صغرك إلى الآن ؟ وماهي ؟
صار لك موقف مع المرجيحه
هـل كـنت/ي تـعانـ/ين مـن اخـطاء فـي مخـارج الحـروف .. (الوح=أروح) عثير= عصير)؟؟
ما اكـثـر حلاوة كنـت/ي تحـبه/تحبينها ..؟
آكله تحبها كثير ...وآكله تكرها ..؟
ما اسم اول مـدرس/ه درستك ..؟
لما احد يكفخك في الشارع لمين كنت تشتكي..! والا تاخذ حقكـ بنفسكـ .. ؟
وش كانت عيارتك!
كنت تنآم لحآلك ولاعند المآمآ ..؟
اجمل موقف صار لك بطفولتك ..ومازال عالق في ذاكرتك؟
ايش الالعاب اللي كنت تلعبها بطفولتك وايش اكثر لعبه تحبها ؟ومع مين تحب تلعب اكثر شيء ؟
أجمل مكان سافرت له وانت صغير وتتمنى ترجع له ثااني ؟
هل مر عليك موقف بطفولتك خلاك تكره شخص معين واذكر الموقف ؟
كم مرة انطقيت ..او كنت تنطق كثير؟
كيف مستواك الدراسي ممتاز ..ولا كسلان ..ولا نص ونص ..؟
ماهو الحلم البريء ..حلم طفولتك ..كنت تتمنى ان يتحقق..!
وين مولود/هـ ؟
وانت/ي صغير/هـ كنت تحب تلعب مع الاولاد اكثر ولا مع البنات ؟
وش اسم اول صديق/هـ لك؟
هههههههههههههههههههههههههه
اي والله خوفتني
اني حابه القسم يتحرك اكثر
تسلم والله من ذوقك
يعافيك يارب ويسعدك
ان شاء الله نلاقي تفاعل
تسلم الانامل اللي ثبتت
نورت الساااهر بطلتك المميزه دوم
هلا بكـ
عوافي الله<<
كنت دايم اسمع عمتي تقول نامو لاتجيكم
عوافي الله كنت احسبها حرمه تخطف ولا
شي وتخيلي ماعرفت وش عوافي الله الا قبل
ثلاث سنوات لمن سألت الوالد
بابا وشو عوافي الله او عافية الله
ملاك من جدك ماتعرفين
قلت لا كنت انام واخاف تجيني من عمتي
قال فرقي الكلمه وتفهمينها
اثاري هي العافيه الي ربي يرزقنا بها
وانا كنت اموت خوف لا قالو لي كذا
والله اني بريئه يوم اني صغيره
تطلع/ين كثير في الاذاعة المدرسيه ؟
يب يب كنت احب فقرة القرآن والأناشيد
وهل تعلم عااد شي ثاني
تبكي/ي كثير ولاعادي ؟
كنت ابكي لاصرت وحدي تقريباً من ثاني أبتدائي
ولمن كنت صغنونه مره يقولون اكثر وحده دلوعه
وتبكي ملاك حتى لو تبي ريال تبكي ومايسكتها
الا جدو الله يرحمه
ترتيبك بين اخوانك ؟
الوسط ولدين فوقي الله يخليهم لي
وبنتين تحتي فديت قلوبهم
يعني انا الثالثه بين ولدين وبنتين
نشيد كنت/ي تحبه / تحبينه أيام الطفوله ؟
كنت احب ثلاث اناشيد
انتي الحنان .. انتي الأمان .. من تحت قدميك لنا
الجنان .. عندما تضحكين.. تضحك الحياه ..
تزهر الأمال في طريقنا نحس بلأمان..
أمي .. امي .. امي<< تحمست وهي تنشد
هذي تبع فلم كرتون ريمي
انا قصة انسان .. انا جرح الزمان ..
انا سالي ..سالي
فديت قلبي أسألي عني اخاف
الحين اقولك ويقولون ملاك تمدح نفسها
بس دامك سألتي بقول كنت المثاليه لمن وصلت
ثالث متوسط دايم يكرموني على هدوئي بالمدرسه
حتى مره بنت عمي تهاوشت مع المدرسات
قالو انتي ليش مو مثل بنت عمك ملاك
قالت هي ملاك وانا بنت عمها
ماهي المواقف اللي عرضت فيها اهلك للاحراج؟
هالموقف اول مره بحياتي
اتذكر ماما طقتني وكانت اخر مره الحمدالله
لمن كنت صغيره كنت احب أتخبى بالبيت
بأماكن صعبه ومايلقوني الا من بكره او بمكاني
نايمه
بيوم تخبيت وبابا كان مسافر
واخواني طلعوو للنادي ومافي بالبيت
الا جدتي وعمتي وماما
ويدورون علي يدورون انهبلو مالقوني
وطلعو بالشارع وانا اسمعهم بس ساكته
وامي خلاص كانت بتبكي وقتها كنت انا
البنت الوحيده لماما كنت برابع ابتدائي او ثالث
فكانت تبكي عند جدتي ياويلي من ابوها
وخلاص يأسو يلقوني دقو عالشرطه
خفت وانا اسمعهم يقولون الشرطه
وتخيلي كنت متخبيه من الساعه 2 الظهر ماطلعت الا
يمكن بعد العشا وضربتني ماما ضرب
الله لايوريك اذووني صارت حمراء ^_^
ومافيه بالبيت الا
هل كنت شخص ذو شخصيه قويه أم مغلوب عليه ؟
شوفي انا طيبه والطيبه عنواني
والي معاي لغيري وماعرف اقول لا لو تطلبين
عنوني
بس لاعصبت
ماعرف احد
اكبر عيديه جمعته/جمعتيه كم ؟؟ ومن مين ؟
امممممممممممممم مادري ماتذكر بالظبط
بس اكبر عيديه اخذها دايم من أبوي الله يطولي بعمره
طبعاً لمن يعطي بنات عماتي اشوف وش بيعطيهم
بعدين اقول انا بنتك ماأخذ مثلهم اخذ اكثر
وكنت قبل ماألبس اخذ منه عيد وبعد اللبس
يوم كنتي صغيره تسوين جدايل والا كاريه ؟<<للبنات بس
كان شعري طويل وبالمدرسه كانت مامي
تسوي لي جدايل وشرايط وانواع البنس والكلبسات
فديتها كانت تكشخني ماطلعت المثاليه من عبث
يوم كنت/ي طفل/ه تلع/بين بكمبيوتر العائله ؟؟
يووووووووووه افا عليك ماريووو لعبتي المفضله
يوم كنتي تلبسين مريول المدرسه هل تحطين شباصات ميكي ماوس
وشرايط بيض ؟؟ << للبنات
ميكي لا مدرستنا يمنعون الصور ^_^
بس شرايط اي
من كـان يدلعك أكثر أبوك او أمك ؟
فديتهم كلهم بس بابا اكثر
اســم دلعك بالطفوله لحد الان ينادونك به ؟ وماهو ؟
ميمي
بطفولتك كنت/ي تبكي/ن إذا ماجلست/ي بالاول بالطابور اوالفصل ؟
اي ومره طحت وانا كنت اركض ابي احجز
اول وحده بالطابور وجو أهلي طلعوني من المدرسه
عشان تعورت
عندك لعبه موجوده من صغرك إلى الآن ؟ وماهي ؟
امممممممممممم كان فيه لعبه بابا كان جايبها
من برى لأخوي الكبير عباره عن دميه ملوونه
بس حلوه لها رجوول كثار ^_^
ومن اخوي لأخوي الثاني من اخوي الثاني
لي انا ومشاءالله احتفظنا فيها والحين ورثها
نواف ولد اخوي كانت ماما تقول هلعبه
ماراح نضيعها ابد لحد مايخذونها بزارينكم
لو كانت عندي كان صورتها لكم
صار لك موقف مع المرجيحه
انا من كنت صغيره ماحب الملاهي<< طفله غريبه
حتى المرجيحه لو أركبها ادووخ واتعب
فعشان كذا ماحب اركبها
هـل كـنت/ي تـعانـ/ين مـن اخـطاء فـي مخـارج الحـروف .. (الوح=أروح) عثير= عصير)؟؟
لا الحمدالله
ما اكـثـر حلاوة كنـت/ي تحـبه/تحبينها ..؟
حلاو قطن .. ومارشميلوو(( خدود البنات))
آكله تحبها كثير ...وآكله تكرها ..؟
الأندوومي أحبها.. وأكرها الجريش من كنت صغيره ماحبه
ما اسم اول مـدرس/ه درستك ..؟
ابلا نوره مربية فصلي الله يذكرها بالخير ^_^
لما احد يكفخك في الشارع لمين كنت تشتكي..! والا تاخذ حقكـ بنفسكـ .. ؟
كان لمن احد يطقني حتى جوا البيت
ثنين يدافعون عني
ولد عمي واخوي
وش كانت عيارتك!
الصيوحه عشان لمن احد يزعلني كنت على طول اصيح
كنت تنآم لحآلك ولاعند المآمآ ..؟
كان وقتها بيتنا القديم كنت انا واخوي خالد
مع بعض
اجمل موقف صار لك بطفولتك ..ومازال عالق في ذاكرتك؟
كان موقف جميل كنت اتمنى ماما تجيب اخت أو
أخوو ووقت ولادتها مع انو كانت تعبانه كثير
وكانو يقولون راح يموت الجنين مثل الي قبله
بس لمن ربي احياها يوووه كنت احسه اجمل
موقف بحياتي
ايش الالعاب اللي كنت تلعبها بطفولتك وايش اكثر لعبه تحبها ؟ومع مين تحب تلعب اكثر شيء ؟
اكثر لعبه كنت احبه العب دكتور او مدرسه
كنت لحالي واحياناً ادور على كل الي بالبيت واوزع ارقام
زوروني بالمستشفى العلاج مجاناً
كان بالبيت اخوي وولد عمي هم بعمري تقريباً
كنا نحب نصيد عصافير بالسطح عمي كان عنده
عشه ^_^ يوووه قلبتي المواجع ايام حلووه
وبعد ألعب معهم كووره هالثنين
أجمل مكان سافرت له وانت صغير وتتمنى ترجع له ثااني ؟
امممممممممممم شوفي انا من كنت صغيره
سافرت مع بابا مره وحده لمكه بعدها
لحد ماكبرت كان يحجز لنا بحكم انشغاله ماصار يسافر معنا ونسافر انا واخواني بس
فأتمنى هالسنه اخذها معاه عمره لأن السفر مع الوالد غير
هل مر عليك موقف بطفولتك خلاك تكره شخص معين واذكر الموقف ؟
عالجرح نونا اعذريني يالغلا
ماترضين دمعتي تنزل
كم مرة انطقيت ..او كنت تنطق كثير؟
الحمدالله بس هذيك المره يوم ماما
ولا عمري ماقد انطقيت
كيف مستواك الدراسي ممتاز ..ولا كسلان ..ولا نص ونص ..؟
ممتاز ولله الحمد عيال عماني مايسمونا انا واخواني
الا الدوافير بسم الله علينا
ماهو الحلم البريء ..حلم طفولتك ..كنت تتمنى ان يتحقق..!
قلتيها حلم وخلاص ماحب اتذكره
وين مولود/هـ ؟
بالرياض
وانت/ي صغير/هـ كنت تحب تلعب مع الاولاد اكثر ولا مع البنات ؟
كنت انبسط اذا جا الأربعا عشان البنات كلهم
يجتمعون عندي اما باقي الأسبوع
مكان معاي بنات الا هالولدين الله يصلحهم
وش اسم اول صديق/هـ لك؟
مشااااعل فديت قلبها
كلمه اخيره تهديها لطفولتك..!!
الا ليت الزمن يرجع ولا الليالي تدور
ويرجع وكنتا الأول وننعم في بساطتنا
تسلمين يالغلا
لو شفتي الي عندي جننو فيني يبون انزل
وأقولهم اصبرو اكلم نونا ^_^
هلا فيك
الشرف لي بطلتك فديتك
اول مره اسمع بكلمة عوافي
الله يحفظكم ويخليكم لبعض ان شاء الله ^_^
واضح اصلا انك هاديه مايحتاج
ياحليلها بنت عمك ماعندها وقت
بس ياصبرك ملاك متخبيه كل هالوقت تخيلت شكلك وانكتمت
ياليتك والله صورتي لعبتكم
اكيد ماارضى تنزل دمعتك حبيبتي اعذريني ع السؤال
يسلمك يارب فديت طلتك والله
يعطيك الف عافيه ع حضورك ويسعدك يارب
نورتيني ملاك
ياليتـפּـي طفل بالـغـصب تمشي ڪلمتي|•°
هالموقف اول مره بحياتي
العرض العادي
