اعتذار للجميع

*^&الغامض&^* · 29-08-2003, 10:55 PM

السلام عليكم ورحمة الله وبركاته،،

احب اعتذر منكم جميعا لانني غبت عنكم بدون ما تعرفون السبب ولا اعطيكم خبر ولكن انا اتأسف لكل المشرفين والاعضاء وياليت تقبلون اعتذاري وسبب غيابي عنكم هو زواجي وانتوا اخبر الواحد مرتبك في الايام اللي قبل الزواج

وحبيت اني اعود اليكم بقصيده وياليت انها تنال اعجابكم

*************************جروحي مالها اخر************************

انا يا بنت لو تدريـن.. جـروحي مالها اخــر

************************وروحي آه ياروحي..بقايا من رماد انسان

الآ ياليـل ويـن اللي بحبـه كـنت اتفـاخــر

***********************تركني وراح من دوني اعاني لوعة الحرمان

وانا قـلبي مايهتـم من هالعاذل الساخــر

************************مير من يفقد الخـلان غريـقٍ في بحر احـزان

قضيت الليل وانا ساهر وغيري نايم يشاخر

***********************واثر هالليل مايرحم..عيون العاشق الولهان

الآ ياقـلـب ياللي لك..حـبٍ شـامـخ وفاخــر

**********************بصمت بهالزمن بصمــه يرويها كـل عـشقان

وجا الوقت اللي فيه اليوم ياقلبي تستاخـر

**********************وترمي وراك احزانك.. وتطلب ربك النسيان

صحيح الجرح مايبرى وبيبقى فيك للاخـر

*********************ولكن وش يفيد الدمع..وقولت آه انا ندمـان

وسلامتكم
تحياتي للجميع

دنيتي · 30-08-2003, 12:36 AM

اخوي الغالي

الغامض اولاً

[MARQ=RIGHT] مبرووووووووووووووووك الف الف الف مبروووووووووك[/MARQ]

[MARQ=LEFT]على الزووواج واكيد حصل لك موقف طريف وجسمك يرشح من الموقف
وياليت تذكر لنا موقف ياغالي [/MARQ]

وصح لسانك اخوي الغالي على القصيده الرائعه
ويسلم راسك ياغالي

تقبل تحياتي لك بود صادق
اخوك/ الحدبي

زين الخجل · 30-08-2003, 02:33 AM

الف مبروووووووك أخوي الغامض ..
وصح لسانك ..
وأقول لك ..
مقبول منك كل شي مقبول ... مقبول حتى لو عذابي يطول

وتقبل تحياتي ..

أخوك .. زين الخجل ..

آخرة العنقود · 30-08-2003, 04:12 AM

الف مبروك اخي الغامض على الزوج
ونتمنى لك الذريه الصالحه
والف صح لسانك على
هذه القصيده
الرائعه بكلماته ومعانيها
وننتظر جديدك

بنت الأجواد · 30-08-2003, 04:27 AM

أخوي... *^&الغامض&^*

الـــــــــــــــــــف مبروووووووووووووووووووووووووووووك

ورجعتك لنا حامل قصيده رائعه... تغفر لك شيء من الغيبه
أتمنى لك أسعد الأوقات ...

ولاتنسى الود من قصايدك الجديده..؟؟؟!!!

أختـــــك/ بنت الأجــــــــــــــــــواد

.

alhanoof · 30-08-2003, 06:23 AM

اخوي الغامض

الف الف مبروك

اتمنى لك التوفيق

زواج سعيد وعذرناك اخوي

ومشكور على المشاركه الرائعه

بندر العجمي · 30-08-2003, 09:19 AM

مبروك يا سنايدي 00

تستاهل والله 00

تمنياتي لك بالسعاده 00

عاد ذالحين نبي منك الجديد لا تبطي علينا بالجديد 000

تحيااااااتي0000لك000000بندر

*^&الغامض&^* · 30-08-2003, 10:15 PM

الله يبارك فيك اخوي بني وصح بدنك يالغالي

اما من الموقف الطريف والله ماهو موقف واحد بس تراها واجده لكن الموقف اللي جبت العيد فيه هو بعد ما اخذت العروسه وجا وقت الزفه وانا امشي دعست فستاناها وبغت تطيح على وجهها
ههههههههههههههههههه انا اشهد اني جبت العيد

اشكرك حبيبي على المشاركه وعلى الرد الرائع

*^&الغامض&^* · 30-08-2003, 10:19 PM

هلا والله فيك اخوي زين الخجل والله يبارك فيك يالغالي

وصح بدنك
شاكر مرورك الاكثر من رائع
يعطيك الف عافيه

*(تحياتي)* · 31-08-2003, 01:40 AM

الغامض
تحياتي
والف مبروك الزواج وبر فاه والبنين
ومشكور على القصيده الرائعه
ولك
تحياتي