ترى المودة كنها شقّ بيري
تنزل تبي لهـ قاعْ ولا كِنّ لهـ قاع
ومياهها وصلٍ , ومـ ع ـروف وخيري
تعطي وتاخذ ومتعزوي وفزّاع
بالطيبين وماظنتي هم كثيري
اللي كثر بالطيب ياصاحبي قناع
وتروآه بضلالٍ وبوقت السعيري
وماعاد تشفق لارِشفته بمطلاع
وليا فضا ماءه ووصلك هجيري
تثاوت بوسطه عقارب والأضباع
والحظ حظٍ ما أخذ بالشطيري
ولاخبرته يوم جالب للأسناع
جاهدْ رديّ الحظ تبقى كبيري
شف نفسك السبعْ بيشوفونك سباع
وقل للنوايا الفاسده إستخيري
وإقنع بقل الحظ / مافاز طمّاع
وأهل العقول الراجحه إستشيري
واللي بتندم به إذا شورهم ضــاع
أقولها وماني بقافي فقيري
طوعت قافٍ لـ غيري مابعد طــاع
حتى الذي قافة يشوفه ضريري
لو كان حي كان من شعري إبتاع
رائد النايف
العرض العادي
