فيها الدلع والغنج والصدر مزموم
الزيـن يـا " ياشمري" تبلآنـي اليـوم
وانا احسب انـي قبـل مانـي كذيّـا
ولا كنت احسب اني مع الوقت محروم
الا بـعـد ماشوفـهـا لــي تهـيّـا
اللـي تخطـى كنهـا باشـة الـروم
مالـه شبـيـه بالـعـذارا ولا ايّــا
عنق وخد ورمـش والسـاق مبـروم
والخصـر ناحـل والبـلاوي خفـيّـا
والردف نابي لامشت ضاعـت علـوم
يرتـج ليـن انــه كـوانـي بكـيّـا
مذهول مما شفت واصبحـت منجـوم
ماعـاد لـي حيلـه ولا فـي يـديّـا
فيها الدلع والغنـج والصـدر مزمـوم
انشهـد انـه طـاوي الـروح طـيّـا
استغفـر الله جسمهـا كـنّ مرسـوم
فيها الحـلا الطاغـي وزيـن المحيّـا
مـلاك ربآنـي سحـر كـل زيـزوم
تمشـي دلـع ياحـيّ ذيـك البنـيّـا
من شافها يحـرم علـى عينـه النـوم
يسهـر وفكـره حـول نجـم الثريّـا
ولا شافها المهمـوم ماصـار مهمـوم
تجلـي همومـه مثـل ماصـار ليّـا
وانشهد اني في هوى الزيـن ملـزوم
وابـري حالـي منـه ياخـوك بريّـا
اثر الهـوى غـلاب والحـظ مكعـوم
راحـت ولا غـادرت منهـا بشـيّـا
بس التوجد صار لـي امـر مقسـوم
عله يجـي ثـم يـروي الحـال ريّـا
هذي علومي كان تنشـد عـن علـوم
حظـي نخيتـه ميـر مابـه حمـيّـا
فيها الدلع والغنج والصدر مزموم
العرض العادي
