أنا عتيبي واحب طاري البداوه
يامعذربين البدو مافيكم إحساس
قالو بدو قلت الصفى والنقاوه
يازين شوفتهم على الضوء جلاس
قالو بدو قلت الكرم والنخاوه
وأفعالهم فى ذمتى ترفع الراس
قالو بدو والبر فيه الشقاوه
قلت الوناسه عندهم فوق الاطعاس
قالو بدو ونشوف فيهم قساوه
قلت الخشونه يامعذرب لهم ساس
ابن البداوه صلف ما به رخاوه
اليا زهمته جاك ماهوب يحتاس
بينه وبين اللاش حرب وعداوه
وحلفه مع أهل الطيب والاش ينداس
شف لك من البدوان واحد وخاوه
حتى تفرق بين مهند وعباس
وان كان ما صدقت عالج وداوه
قلبك مريض وفيه حقد ٍ وسواس
فى مجلس البدوان تلقا حفاوه
وترحيبهم لضيوفهم ماله اقياس
ويقدمون الطيب من عود جاوه
في سلمهم طيب ومعزه ونوماس
هذي فقط نبذه عن أهل البداوه
حبيت اوصلها لاجل تاصل الناس
العرض العادي
